بے کسوں پر حق کی رحمت ہوگئی ۔ نذید جالندھری

شاعر: نذیر جالندھری

نعتِ رسولِ آخر صلی اللہ علیہ وآلہ وسلم

بے کسوں پر حق کی رحمت ہوگئی

شامِ غم صُبح مسّرت ہوگئی

آگئے دنیا میں محبوبِ خدا

بستی بستی خوبصورت ہوگئی

جل رہے تھے دھوپ میں جو ریگزار

گُل بداماں ان کی وسعت ہوگئی

ان کے دامن میں ملی جس کو پناہ

رشکِ انجم اس کی قسمت ہوگئی

ملِ گئیں اس کو جہاں کی نعمتیں

جس یہ ان کی نظرِ شفقت ہوگئی

جب بھی آیا مرے لب پہ ان کا نام

ہر رگِ تن محوِ مدحت ہوگئی

نذر ان کی نعت گوئی کے طفیل

قریہ قریہ اپنی شہرت ہوگئی