گناہوں سے مرا دامن بچانا یا رسول اللّه ۔ فوزیہ شیخ
نعت کائنات سے
نظرثانی بتاریخ 19:56، 21 ستمبر 2017ء از Admin (تبادلۂ خیال | شراکتیں) (Admin نے صفحہ گناہوں سے مرا دامن بچانا یا رسول اللّه کو بجانب گناہوں سے مرا دامن بچانا یا رسول اللّه ۔ فوزیہ شیخ منتقل کیا)
شاعرہ : فوزیہ شیخ
نعت ِ رسول ِ مقبول صلی اللہ علیہ وآلہ وسلم[ترمیم | ماخذ میں ترمیم کریں]
گناہوں سے مر ا دامن بچانا یا رسول اللّه
مری ہستی کو پستی سے اٹھانا یا رسؐول اللّه
میں روز و شب تمنا ئے زیارت میں ٹرپتی ہوں
مری سوئ ہوئی قسمت جگانا یا رسؐول اللّه
ہو عالم جب نزع کا اور دنیا چھوڑ کر جاؤں
مجھے توحید کا کلمہ پڑھانا یا رسؐول اللّه
شفاعت کا علم تھامے سر ِ محشر جو آئیں گے
مجھے دامان ِ رحمت میں چھپانا یا رسؐول اللّه
سوا نیزے پہ سورج اور تانبے کی زمیں ہو گی
مبارک ہاتھ سے کوثر پلانا یا رسؐول اللّه
اگر وحشت میں گھبراؤں گی تنہائ کے عالم میں
اندھیری قبر میں چہرہ دکھانا یا رسول اللّه
سنہرے سبز گنبد کے تلے جو موت آ جا ئے
ترے قدموں میں ہو میرا ٹھکانہ یا رسول اللّه