رحمتِ دو جہاں پر سلام (مظفر وارثی)
نعت کائنات سے
نظرثانی بتاریخ 10:51، 27 جنوری 2017ء از ابو المیزاب اویس (تبادلۂ خیال | شراکتیں) (نیا صفحہ: رحمتِ دوجہاں پر سلام شہد رکھے زباں پر سلام اشک انکی طرف چل پڑے اِس حَسیں کہکشاں پر سلام اپنی آن...)
رحمتِ دوجہاں پر سلام
شہد رکھے زباں پر سلام
اشک انکی طرف چل پڑے
اِس حَسیں کہکشاں پر سلام
اپنی آنکھوں سے لکھ آیا ہوں
آپ کے آستاں پر سلام
بھیجتی ہے سماعت مری
اُس سراپا اذاں پر سلام
دشمنِ جاں کو بھی امن دے
پیشوائے اماں پر سلام
جگمگائیں نشانِ قدم
جادہِ جاوداں پر سلام
