خلد مری صرف اس کی تمنا،صلی اللہ علیہ و سلم ۔ احمد ندیم قاسمی

نعت رسول اللہ صل اعلی علیہ و سلم

خلد مری صرف اس کی تمنا، صلی اللہ علیہ وسلم

وہ مرا سدرہ وہ مرا طوبی، صلی اللہ علیہ وسلم

غار حرا میں وہ تنہا تھا،تنہائی میں بھی یکتا تھا

چار طرف ذکر اقراء تھا صلی اللہ علیہ وسلم

قبل اس کے مسجود تھے کتنے، فرعون و نمرود تھے کتنے

کتنے بتوں کو اس نے توڑا، صلی اللہ علیہ وسلم

اس کا جلال ہے بحر و بر، اس کا جمال ہے کوہقمرمیں

اس کی گرفت میں عالم اشیا، صلی اللہ علیہ وسلم

وہ جو بظاہر خاک نشیں تھا، لیکن جو افلاک نشیں تھا

میں ہوں ندیم غلام اسی کا،صلی اللہ علیہ وسلم

مزید دیکھیے

احمد ندیم قاسمی