حسن اخلاق نبی مطلع دیوان عرب ۔ غلام زبیر نازش

شاعر: غلام زبیر نازش

نعتِ رسولِ آخر صلی اللہ علیہ وآلہ وسلم

حسن اخلاق نبیﷺ مطلع دیوان عرب

بزمِ ہستی کی ضیا چہرہ تابان عرب

لائے اس شان سے تشریف رسول عربی

دہر میں پھیل گئی نزہت بستان عرب

اس میں اس ہستیء اقدا کا ہے نوریں دربار

کو کہ ہے اصل جہاں، روح عجم، جان عرب

شاہ لولاک لما، اس میں ہوئے جلوہ نما

ثبت قرطاس زمن پر نہ ہو کیوں شان عرب

اس کی ہر ایک روش آئینہ دار فردوس

روکش باغ جناں بوئے گلستان عرب

اس کے صدقے سے ملی دولت ایمان و یقین

بزم کونین پہ کیا کیا نہیں احسان عرب

محترم آپ کی نسبت سے عجم ہے نازش

حب محبوب خدا کلُ سروسامان عرب