ہزار دل ہزار جان سے ہمیں قبول وہ (غلام مرتضیٰ راہی ؔ )

شاعر: غلام مرتضیٰ راہی ؔ فتح پوری (یوپی)

ﷺ

ہزار دل ہزار جان سے ہمیں قبول وہ

وہ اوّلینِ کائنات آخری رسول ﷺ وہ

تضاد قول و فعل کا محال اس کی ذات پر

وہ ضابطہ بہ ضابطہ اصول در اصول وہ

بلند قامتی میں وہ پرے مری نگاہ سے

زمیں پر آسماں کا وسیلہ ٔ نزول وہ

نفاذ کفر ہر طرف ورودِ جہل چار سو

بَلا کے خار زار میں کِھلا تھا بن کے پھول وہ

مری خوشی بھی کیا اگر نہ رو پڑوں یہ سوچ کر

مری خوشی کے واطے سدا رہا ملول وہ

"نعت کائنات " پر اپنے تعارفی صفحے ، شاعری، کتابیں اور رسالے آن لائن کروانے کے لیے رابطہ کریں ۔ سہیل شہزاد : 03327866659