ہر ایک پھول نے مجھ کو جھلک دکھائی تری ۔ احمد ندیم قاسمی
نعت کائنات سے
نظرثانی بتاریخ 20:17، 14 جولائی 2017ء از Admin (تبادلۂ خیال | شراکتیں)
شاعر: احمد ندیم قاسمی
نعتِ رسولِ آخر صلی اللہ علیہ وآلہ وسلم[ترمیم | ماخذ میں ترمیم کریں]
ہر ایک پھول نے مجھ کو جھلک دکھائی تری
ہوا جدھر سے بھی آئی ، شمیم لائی تری
وہ شخص اپنے مقدر کا خود ہے صورت گر
کہ جس نے اپنے ارادوں میں لَو لگائی تری
مرے نقوشِ قدم پر چراغ کیوں نہ جلیں
کہ رہنما ہے مری شانِ رہنمائی تری
گواہی دیتا ہے یہ ارتقائے انسانی
کہ کام آئی جہاں بھر کو پیشوائی تری
مجھے قسَم ہے تری سیرتِ منَزَّہ کی
کہ تاج و تخت پہ اک طنز تھی چٹائی تری
