کرم کے بادل برس رہے ہیں ۔ عبدالستار نیازی
نعت کائنات سے
Jump to navigationJump to search
شاعر : عبدالستار نیازی
نعت رسول اللہ صل اعلی علیہ و سلم
کرم کے بادل برس رہے ہیں
دلوں کی کھیتی ہری بھری ہے
یہ کون آیا کہ ذکر جسکا
نگر نگر ہے گلی گلی ہے
یہ کون بن کر قرار آیا
یہ کون جانِ بہار آیا
گلوں کے چہرے ہیں نکھرے نکھرے
کلی کلی میں شگفتگی ہے
دیئےگلوں کے جلائے رکھنا
نبیؐ کی محفل سجائے رکھنا
جو راحتِ دل سکونِ جاں ہے
وہ ذکر ذکرِ محمدیؐ ہے
نبیؐ کو اپنا خدا نہ مانو
مگر خدا سے جدا نہ جانو
ہے اہلِ ایما ں کا یہ عقیدہ
خدا خدا ہے نبیؐنبیؐ ہے
نہ مانگو تم دنیا کے خزینے
چلو نیازی چلیں مدینے
کہ بادشاہی سے بڑھ کے پیارے
نبیؐ کے در کی گداگری ہے
نعت خوانوں میں کلام کی پذیرائی
