محمدﷺ کی محبت ہی مرا حاصل خزینہ ہے ۔سلیم فگار

نعتِ رسولِ آخر صلی اللہ علیہ وآلہ وسلم

محمدﷺ کی محبت ہی مرا حاصل خزینہ ہے

اسی میں موت ہے میری اسی میں میرا جینا ہے

نظر میں سبز گنبد آیتیں ہیں میرے ہونٹوں پر

سکوت ایسا کہ جیسے ساری دنیا آبگینہ ہے

ہزاروں کہکشائیں ذرے،ذرے میں سمٹ آئیں

یہ بحرِ نور ہے کہ سامنے شہرِ مدینہ ہے

مری کم مائیگی دیوار ہے اظہار میں میرے

بیاں ہوں حالتیں دل کی کہاں مجھ میں قرینہ ہے

بنامِ مصطفیﷺ یا رب عطا کر روشنی مجھ کو

اندھیرے غار کی صورت مرا تاریک سینہ ہے