عرفان صدیقی

عرفان صدیقی غزل گو شاعر ہیں ۔ تعلق بھارت سے ہے اور اپنی شاعری کی وجہ سے پاک و ہند میں یکساں مقبول ہیں

عرفان صدیقی 1939ء میں بدایوں، اترپردیش میں پیدا ہوئے۔ 2004 ء میں ان کا انتقال شہر میں ہوا۔عرفان صدیقی کی شاعری کی اہمیت کو تمام اہم ناقدین نے تسلیم کیا ہے، ان کی شاعری نے اردو ادب اورشاعری کو خاص کربلائی استعارات و علائم سے نوازا جن کو موجودہ زندگی کے سیاق میں بھی بڑی اہمیت حاصل ہے، اور ہر بدلتے دور کے ساتھ اس شاعری کے مختلف حصے اپنا نیا سیاق خلق کرنے کی صلاحیت بھی رکھتے ہیں۔عرفان صدیقی کے شعری مجموعوں میں عشق نامہ، شب درمیاں، سات سماوات بے حد اہم ہیں۔

نمونہ ءِ کلام

نعت رسول کریم صلی اللہ علیہ وآلہ وسلم

جو بھی سورج، چاند، ستارہ، خوشبو، بادِ بہاری ہے

ہر اک اُس سرکار کا چاکر، اُس در کا درباری ہے

لوگو، تم اس منظر شب کو کاہکشاں بتلاتے ہو

یہ تو اُنؐ کی خاک گزر ہے، اُنؐ کی گردِ سواری ہے

سر پر بوجھ گناہوں کا اور دل میں آس شفاعت کی

آگے رحمت اُنؐ کی ویسے مجرم تو اقراری ہے

اُنؐ کے کرم کے صدقے سب کے بند گراں کھل جاتے ہیں

داد طلب کہیں چڑیاں ہیں، کہیں آہوئے تاتاری ہے

عالم عالم دھوم مچی ہے اُنؐ کے لطف و عنایت کی

بستی بستی، صحرا صحرا فیض کا دریا جاری ہے

بزم وفا صدیقؓ و عمرؓ، عثمانؓ و علیؓ سے روشن ہے

چار ستارے، چاروں پیارے، چار کی آئینہ داری ہے

اُنؐ کی ذات پاک سے ٹھہرا اُن کا سارا گھرانہ پاک

جس کے لیے تطہیر کی چادر اُنؐ کے رب نے اُتاری ہے

مزید دیکھیں

احمد فراز | احمد مشتاق | اختر شیرانی | جگر مراد آبادی | راحت اندوری | ظفر اقبال | عباس تابش | |فیض احمد فیض |