رحمتوں کا نزول کافی ہے ۔ مطلوب حسن مطلوب

شاعر: مطلوب حسن مطلوب

نعتِ رسولِ آخر صلی اللہ علیہ وآلہ وسلم

رحمتوں کا نزول کافی ہے

شاخِ دل پر یہ پھول کافی ہے

دوجہاں کی سعادتوں کے لیے

حب آلِ نتول کافی ہے

کیوں فروعات میں الجھتے ہو

مصطفائیﷺ اصول کافی ہے

روزِ محشر ہم عاصیوں کے لیے

بس نگاہِ رسولﷺ کافی ہے

حق نما ہے حضورﷺ کی نسبت

ہم کو اس کا حصول کافی ہے

نعت میں داد کی ہوس ہے غلط

آپﷺ کر لیں قبول کافی ہے

بہر دیدہ وری سنو مطلوب

راہِ طیبہ کی دھول کافی ہے