آپ «ذوالفقار نقوی» میں ترمیم کر رہے ہیں

دس جون [[1965]] عیسوی کو ریاست [[جموں و کشمیر]][[ بھارت]] ، ضلع پونچھ کے گاؤں  گورسائی میں پیدا ہوِے۔ ابتدائی تعلیم اپنے علاقہ میں حاصل کرنے کے بعد جموں یونیورسٹی سے گریجویشن کی۔ بعد ازاں [[علی گڑھ]] مسلم یونیورسٹی علی گڑھ سے ایم۔ اے کی ڈگری، انگریزی ادب میں حاصل کی۔ [[کلکتہ]] سے بی۔ آئی ۔اے۔ایم۔ ایس کی ڈگری اور پھر جموں سے بی۔ ایڈ کی ڈگری حاصل کی۔1995 تا 1999 آل انڈیا ریڈیو پونچھ سے منسلک رہے جہاں بطور اردو اناؤنسر اور پہاڑی کمپیر کام کرتے رہے ۔ اسی دوران محکمہ تعلیم میں بطور لیکچرار انگلش تقرری ہو گئی۔۔

ادب کوئی بھی ہو، اس کا طالب علم کی نشو نما میں کلیدی رول ہوتا ہے۔ انگریزی ادب میں شیکسپئر کے مطالعہ نے متاثر کیا۔ انگریزی نظمیں لکھیں لیکن ارد گرد کے ماحول نے انہیں قبول نہیں کیا۔اور وہ صرف چند اداروں تک ہی محدود رہیں۔کیونکہ اردو ادب میراث میں ملا تھا۔نیز گھر کا دینی ماحول اور علماء حضرات سے مسلسل رابطے نے انہیں  [[اردو ]]ہی کو اپنے خیالات کے اظہار کا ذریعہ بنانے پر مجبور کیا۔ شاعری کا شوق بچپن سے ہی دامن گیر تھا۔  1990 میں پہلی مکمل غزل کہی تھی۔

[[نعت]] و [[سلام ]]اور[[منقبت]] نیز [[واقعہ کربلا]] کے حوالے سے جو قلمی واردات سر زد ہوتی رہیں انہیں ’’[[زاد سفر]]‘‘ کی صورت میں عباس بک ایجنسی [[لکھنؤ]] نے [[2011 ]]میں شائع کیا ہے۔

غزلوں کا پہلا مجموعہ ’’اجالوں کا سفر‘‘ اردو فاؤنڈیشن [[ممبئی]] نے سن [[2012]] میں شائع کیاـ

مزید دو مجموعے ایک [[نعتیہ کلام]] پر مبنی اور دوسرا غزلیات پر مبنی زیرِ اشاعت ہیں ـ