دیوان مشاعرہ

’’دیوان مشاعرہ‘‘ فیس بک کے گروپ ’’مشاعرہ‘‘ کے زیر اہتمام جاری دیوان طرز کا مشاعرہ ہے جس میں ہر ماہ ایک ایونٹ حمد و نعت اور دوسرا غزل پر مبنی ہوتا ہے۔ اب تک اس ایونٹ کے تحت اردو کے حرف تہجی ج تک مشاعرے منعقد ہو چکے ہیں جن میں بہت اعلی پائے کی نعوت سامنے آئی ہیں۔ دیوان مشاعرہ کا آغاز یکم اپریل دو ہزار سولہ کو ہوا اور پہلا ایونٹ حمد پر مبنی تھا۔ دیوان مشاعرہ میں سب سے پہلا کلام سلمان رسول نے پیش کیا۔ ذیل میں دیوان مشاعرہ کے پہلے ایونٹ کی تخلیقات پیش کی جا رہی ہیں:

حمد باری تعالیٰ

اپنی مخلوق پر نظر مولا!!

تو کہ خالق ہے سب جہانوں کا

ہاتھ تیرا ہے پشت پر میری

کیا بگاڑے گا پھر کوئی میرا

دل پریشاں کبھی جو ہوتا ہے

نام تیرا ہے حوصلہ دیتا

اپنے محبوب کے وسیلے مری

سب خطائیں معاف کر دینا