دل میں اترتے حرف سے مجھ کو ملا پتا ترا ۔ احمد ندیم قاسمی
نعت کائنات سے
نظرثانی بتاریخ 10:25، 12 جولائی 2017ء از 39.55.22.166 (تبادلۂ خیال) (نیا صفحہ: {{بسم اللہ}} شاعر: احمد ندیم قاسمی ==== {{نعت}} ==== دل میں اترتے حرف سے مجھ کو ملا پتا ترا معجزہ حسنِ...)
شاعر: احمد ندیم قاسمی
نعتِ رسولِ آخر صلی اللہ علیہ وآلہ وسلم
دل میں اترتے حرف سے مجھ کو ملا پتا ترا
معجزہ حسنِ صوت کا ، زمزمہِ صدا ترا
میرا کمال فن ، ترے حسن کلام کا غلام
بات تھی جانفزا تری ، لہجہ تھا دلربا ترا
جاں تری سر بہ سر جمال ! دل ترا ، آئینہ مثال
تجھ کو ترے عدُو نے بھی دیکھا تو ہو گیا ترا
اے مرے شاہِ شرق و غرب ! نانِ جویں غزا تری
اے مرے بوریا نشیں ! سارا جہاں گدا ترا
سنگ زنوں میں گِھر کے بھی ، تو نے انہیں دعا ہی دی
دشت بلا سے بارہا ، گزرا ہے قافلہ ترا
میرا تو کائنات میں ، تیرے سوا کوئی نہیں
ارض تری ، سما ترے ، بندے ترے ، خدا ترا