آپ «خانوادۂ قادری کے اکابرین کی نعتیہ شاعری - الحاج سید مفیض الدین قادری» میں ترمیم کر رہے ہیں

نعت بڑی ہی نازک صنف ہے اور نعت گوئی کا شرف اللہ تعالیٰ سب کو عطا نہیں کرتا بلکہ جس پر اللہ ربّ العزت کا خاص کرم ہوتا ہے وہی نعتیہ شاعری کر سکتا ہے۔ عربی میں ’’نعت ‘‘ کے معنی توصیف و تمجیداور تعریف و بزرگی کے ہیں۔ عام طور پر لفظ نعت جناب محمد رسول اللہ ﷺ کی تعریف و توصیف کے لئے بولا جاتا ہے۔ حضرت حسان ، حضرت کعب ، حضرت ابنِ رواحہ رضوان اللہ تعالیٰ علیہم اجمعین کے نعتیہ اشعار بہت مشہور ہیں۔ صحابہ سے لیکر تا ایں دم تما م اہلِ ایمان حسب توفیق جناب رسول رسول اکرم ﷺ کی شان بیان کرتے آئے ہیں جس کا اظہار کبھی نعت کے اشعار کی صورت میں ہوتا ہے اور کبھی نثر کی عبارت کی صورت میں اور کیوں نہ ہو جبکہ آںحضور ﷺ سے عقیدت و محبت جزوِ ایمان ہے۔اہلِ ایمان کا نبی مکرم ﷺ کے ساتھ تعلق ر وحانی ہے لہٰذہ آپ کی مدح و توصیف ایمان و ایقان اور محبت قلبی کا تقاضہ ہے اور یہی ایمان کی افزودگی اور معراجِ کمالِ مومن ہے۔آں حضور ﷺ کا ارشاد ِ گرامی ہے لاَ یُومِنُ اَحَدَکُم حَتیٰ اَکُونَ اَحَبّ اِلَیۃ مِن وَالِدِہٖ و َ وَلَدِہِ وَ الّناسِ اَجمَعیِن۔ یعنی تم میں سے اُس وقت تک کوئی مومن کامل نہیں ہو سکتا جب تک میں اس کے نزدیک اس کے باپ اس کے بیٹے اور تمام لو گوں سے زیادہ محبوب نہ ہو جاؤں۔

نعت گوئی رسول کریم ﷺ سے انتہائی قلبی تعلق اور بے پناہ محبت کی طالب و متاقاضی ہے اس میں سرشاری و سر مستی کے ساتھ شعور و ادراک کی ہم سفری بھی نہایت ضروری ہے۔ نعت کہنے والے جس شاعر کو یہ سب چیزیں ودیعت ہوئی ہوں وہی کامیاب نعت گو ہو سکتا ہے۔ المختصر ذیل کے مضمون میں ہم خانوادہ ٔ قادری کے اکابرین کی نعتیہ شاعری کا جائزہ لیں گے۔  

تعارف خانوادہ ٔ قادری:

حضرت یعقوب ؔ کے چار دیوان اس وقت ہمارے پیشِ نظر ہیں (۱) دھڑکنیں مطبوعہ ۱۹۶۵؁ء (۲) سازِ دل( مجموعہ قطعات و رباعیات ) مطبوعہ ۱۹۷۲؁ء (۳) لمحہ لمحہ آگہی ( اردو اکیڈمی۔ لکھنؤ سے انعام یافتہ ) مطبوعہ ۲۰۱۰؁ء (۴) قصرِ جاں مطبوعہ ۲۰۱۵؁ء  

جہاں آپ نے دیگر اصناف میں طبع آزمائی کی ہے وہیں آپ بہترین نعت گو شاعر بھی ہیں۔ علم الحساب میں ۹۲؍کا عدد کائنات عالم کی ہر شئے میں دیکھ کر آپ نے فرمایا۔  ؎  

آپ کی یہ مشہور نعت آج بھی خاص و عام کی زباں پر ہے۔ cce Pattern کی منظور شدہ کتاب ماہ ِ اردو ( مصنف راقم الحروف ) درجہ چہارم میں یہ نعت داخلِ نصاب ہے۔ المختصر آج دنیا میں جو کچھ نظر آرہا ہے وہ آپ ﷺ ہی کا صدقہ ہے۔ حدیثِ قدسی ہے۔  

’’ آگر آپ کی ذات نہ ہوتی تو میں آسمانوں کو پیدا نہ کرتا ‘‘ پوری نعت اسی مضمون کی عکاسی کرتی ہے۔ دنیاں میں جہاں جائیں ہر طرف ہر چیز میں آپ کی رحمت کی نشانیاں ملیں گی۔

آپ ۱۹۶۱؁ء میں ہندوستان سے پاکستان ہجرت کر گئے تھے۔ کراچی میں عائشہ باوانی ڈگری کالج میں صدر شعبہ اردو کے عہدے پر فائز تھے۔ اردو ، ہندی ، سنسکرت ، انگلش وغیرہ زبانوں پر عبور حاصل تھا۔ آپ کو اپنے بھائی سید محمد معزالدین قادری شاہ جہاں پوری سے سلسلہ عالیہ، قادریہ، بشیریہ میں خلافت و اجازت حاصل تھی۔ پروفیسر سید محمد ظہیر الدین قادری کوثر ؔ شاہ جہاں پوری کے مجموعہ کلام ’’ ارمغان سخن ‘‘ میں پروفیسر یٰسین خان بہارؔ استاذ شعبہ ٔ اردو لندن کالج آف آرٹس مینجمنٹ ، کرچی پاکستان لکھتے ہیں:-  

’’کوثر ؔ صاحب نے آفتاب علم و دانش اور مہر زہد و تقویٰ کی روشنی میں آنکھ کھولی ہے۔ ان ضیا پاشیوں کے بہت کچھ اثرات ان کی ذات ، ان کی فکری دھارے اور ان کی زندگی کے مختلف پہلوؤں پر حاوی نظر آتے ہیں۔ معلمی کا شعبہ ان کی میراث ہے اور شاعری ان کا تقاضائے فطر ت، شاعری اور ادب کی دنیا میں وہ ایک وسیع المطالعہ شخص ہیں مختلف زبانوں کے شعر و ادب کو انہوں نے تعمق نگاہ سے دیکھا ہے۔ اس لئے ان کی فکر میں گہرائی اور لہجے میں ایک دل کش توازن و متانت کا احساس ہوتا ہے۔ آپ کے شعری خیالات تصوف کے پروردہ معلوم ہوتے ہیں۔اس لئے کہ عشق الٰہی اور تصوف ان کے خانوادہ کی میراث و متاع ِ حیات بھی ہے۔ کوثر ؔ صاحب کی جڑیں اپنے ماضی میں بہت گہری ہیں۔ وہ اپنے آبا و اجداد کے طرقِ زندگی ، ان کے علمی شغف اور ان کی راستبازی کے مقلد و مویّد ہیں بلکہ ان پر اپنے بزرگوں کی رسم عبودیت کے اثرات بھی پوری طرح چھائے ہوئے ہیں۔ ‘‘  

عرب کیا عالم انسانیت کے آپ رہبر ہیں  

اس میں کوئی شک نہی کہ حضرت کوثرؔ شاہ جہاں پوری کا دل عشق رسول ﷺ سے سرشار ہے۔ ان اشعار میں عشقِ رسول کی جھلک دیکھی جا سکتی ہے۔ چند اشعار آپ بھی پڑھیئے۔  ؎  

دل کو سکوں تو آپ کی چشمِ کرم میں ہے

آنحضرت ﷺ کی مکمل زندگی ایک لفظ رحمت کی تفسیر ہے۔ اور رحمت کا حقیقی مفہوم اگر کہیں بتمام و کمال ادا ہو اہے تو وہ آں حضرت ﷺ ہی کی پاک زندگی ہے جو پوری انسانیت کے لئے نمونہ ٔہدایت ہے۔ حضرت والد ماجد کا یہ شعر اس کا ضامن ہے ۔  ؎

سرخی بڑھا رہا ہوں میں کچھ غم کے باب میں  

حضور اکرم ﷺ کی ذات با برکت عالی صفات تمام اخلاق و خصائل صفاتِ جمال میں اعلیٰ و ارفع ہے۔ ان تمام کمالات و محاسن کا احاطہ انسانی قدرت و طاقت سے باہر ہے کیوں کہ وہ تمام کمالات جن کا عالم امکان میں تصور ممکن ہے سب کے سب نبی کریم ﷺ کو حاصل ہیں۔ تمام انبیأ و مرسلین آپ کے آفتاب کمال کے چاند اور انوار جمال کے مظہر ہیں۔ حضرت کا یہ شعر ملاحظہ فرمائیں۔  ؎

کہ جو اس دور کی شائستگی سے ہو نہیں سکتا  

حضرت ظفرؔ شاہ جہاں پوری کے کلام میں اکثر وبیشتر جو ایک خوبی نظر آتی ہے وہ ان کے واردات قلبی کی عکاسی کرتی ہے۔ مثال کے طور پر یہ اشعار ملاحظہ فرمائیں۔  ؎

یہ دوری اب نہیں مجھ گوارا یا رسول اللہ  

ظفرؔ صاحب کے یہ اشعار ان کے پختہ عزم و حوصلہ کی سچی اور صحیح عکاسی کرتے ہیں۔ جو عشقِ رسول ﷺ کی دلیل ہیں۔ فرماتے ہیں۔  ؎

دکھا دو اب ظفرؔ کوبھی نظارہ یا رسول اللہ