جب تلک یہ چاند تارے جھلملاتے جائیں گے ۔ محمد الیاس قادری

شاعر : محمد الیاس قادری

نعت رسول اللہ صل اعلی علیہ و سلم

جب تلک یہ چاند تارے جھملاتے جائیں گے

تب تلک جشن ولادت ہم مناتے جائیں گے

ان کے عاشق نور کی شمعیں جلاتے جائیں گے

جب کہ حاسد دل جلاتے سٹپٹاتے جائیں گے

نعت محبوب خدا سنتے سناتے جائیں گے

یارسول اللہ کا نعرہ لگاتے جائیں گے

حشر تک جشن ولادت ہم مناتے جائیں گے

مرحبایا مصطفےٰکی دھوم مچاتے جائیں گے

چار جانب ہم دیے گھی کے جلاتے جائیں گے

گھر تو گھر سارے محلے کو سجاتے جائیں گے

ہم ربیع النور میں جھنڈے ہرے لہرائیں گے

ساری گلیاں روشنی سے جگمگاتے جائیں گے

عیدمیلادالنبی کی شب چراغاں کرکےہم

قبر نور مصطفےٰ سے جگمگاتے جائیں گے

ہم جلوس جشن میلادالنبی میں جھوم کر

راستے بھر مرحبا کی دھوم مچاتے جائیں گے

جھوم کر سارے کہو، آقا کی آمد مرحبا

حشر میں بھی ہم یہی نعرہ لگاتے جائیں گے

تم کرو جشن ولادت کی خوشی میں روشنی

وہ تمہاری گور تیرہ جگمگاتے جائیں گے

حشر میں زیرِ لِوائے حمد اے عطار ہم

نعت سلطان مدینہ گنگناتے جائیں گے

نعت خوانوں میں کلام کی پذیرائی

مزید دیکھیے

محمد الیاس قادری