جاں آبروئے دس پہ فدا ہو تو بات ہے ۔ حفیظ تائب

شاعر: حفیظ تائب

نعتِ رسولِ آخر صلی اللہ علیہ وآلہ وسلم

جاں آبروئے دس پہ فدا ہو تو بات ہے

حق عشق مصطفیﷺ کا ادا ہو تو بات ہے

ہر لحظہ دل میں یاد رسول انامﷺ ہو

ہر دم لبوں پہ صل علی ہو تو بات ہے

سرکارﷺ کی رضا میں ہے اللہ کی رضا

ہر دم رضا رسولﷺ کی چاہ ہو تو بات ہے

دیتی ہے یہ پیام ہوائے دیار پاک

عشق نبیﷺ عمل کی بنا ہو تو بات ہے

ہر منزل حیات میں پیش نگاہ شوق

ارشاد خواجہ دوسرا ہو تو بات ہے

خیر الامم کی شان سے ہم سب ہیں سرفراز

انسانیت کا ہم سے بھلا ہو تو بات ہے