تیرے ذکر سے مری آبرو - ادیب رائے پوری

شاعر: ادیب رائے پوری

حمدِ باری تعالی جل جلالہ

تیرے ذکر سے میری آبرو،تیری شان جل جلالہ

تو میرے کلام کا رنگ و بو، تیری شان جل جلالہ

جو چٹک کے غنچہ کھلے یہاں، تو کرے وہ وصف تیرا بیاں

ہے چمن چمن تیری گفتگو، تیری شان جل جلالہ

میرے دل میں عشقِ نبی دیا، جو دیا بجھا تھا جلا دیا

جسے چاہے جیسے نواز ے تو، تیری شان جل جلالہ

جو طلب کا بھید ہیں جانتے، وہ تجھی کو تجھ سے ہیں مانگتے

جو ترے ہوئے ہیں انہیں کا تو، تیری شان جل جلالہ

یہ ادب ادیب میں تھا کہاں، تری شان کرتا جو یوں بیاں

ہے ترے کرم سے یہ سرخرو، تری شان جل جلالہ​

مزید دیکھیں

سید منظور الکونین | محمد علی ظہوری | عبدالستار نیازی | قاری زبید رسول | صدیق اسماعیل | سعید ہاشمی | ام حبیبہ

احمد رضا خان بریویلوی | حفیظ تائب | مظفر وارثی

شراکتیں

صارف: ابو المیزاب اویس