آپ «امیر مینائی» میں ترمیم کر رہے ہیں

{{بسم اللہ }}
[[ملف:Naat Kainaat Ameer Meenai.jpg|200px]]

امیر مینائی اردو ادب کے نامور استاد شاعر اور نعت گو تھے ۔


امیر احمد  المعروف امیر مینائی لکھنو میں [[21 فروری]]  [[1828]]ء  کو مولوی کرم محمد  کے گھر پیدا ہوئے ۔ خاندان صابریہ چشتیہ کے سجادہ نشین حضرت امیر شاہ کے ہاتھ پر بیعت کی ۔شاعری میں اسیر لکھنوی کے شاگرد ہوئے ۔ 

[[امیر مینائی]] اپنی متنوع حیثیت کے سبب اپنا ایک ہمہ جہت مقام علم و ادب کی تاریخ میں رکھتے ہیں۔وہ اردو کے ساتھ ساتھ [[:زمرہ: فارسی | فارسی شاعر]] بھی ہیں، لغت نویس اور زبان داں بھی ہیں، عالم بھی ہیں، موسیقی کے ماہر بھی ہیں،اور دیگر کئی علوم کے شناور بھی ہیں۔ <ref>[[تحقیقِ نعت۔ صورت حال اور تقاضے ،- ڈاکٹر معین الدین عقیل]] , [[نعت رنگ ۔شمارہ نمبر 25]] </ref>

=== غزل سے نعت کا سفر ===

امیر مینائی اپنے استاد [[اسیر ]] کی طرح شاعری میں عامیانہ جذبات تک اتر آئے تھے ۔ کہا جاتا ہے کہ [[ محسن کاکوروی ]] نے جب اپنا مشہور [[قصیدہ ]] [[ سمت کاشی سے چلا جانب متھرا بادل ]]  امیر مینائی کو دکھایا تو انہیں خود پر بہت افسوس ہوا کہ وہ کیا لکھتے آرہے ہیں ۔ اس کے بعد نعت کی طرف توجہ کی اور ایک نعتیہ دیوان ترتیب دیا ۔ <ref>  http://urdu.adnanmasood.com/2012/02/%D8%B0%DA%A9%D8%B1%D8%A7%D9%85%DB%8C%D8%B1%D9%85%DB%8C%D9%86%D8%A7%D8%A6%DB%8C-%D8%AA%DB%8C%D8%B3%D8%B1%D8%A7-%D8%A7%D9%88%D8%B1-%D8%A2%D8%AE%D8%B1%DB%8C-%D8%AD%D8%B5%DB%81/  </ref>

=== تصانیف === 


متعدد کتابوں کے مصنف تھے ۔ایک نعتیہ دیوان محمد خاتم النبین ہے۔ دو مثنویاں نور تجلی اور ابرکرم ہیں۔ ذکرشاہ انبیا بصورت مسدس مولود شریف ہے۔ صبح ازل آنحضرت کی ولادت اور شام ابد وفات کے بیان میں ہے۔  بہار ہند ایک مختصر نعت ہے۔ سب سے بڑا کارنامہ امیر اللغات ہے اس کی دو جلدیں الف ممدودہ و الف مقصورہ تک تیار ہو کر طبع ہوئی تھیں کہ انتقال ہوگیا۔

* تاجِ سخن <ref> لکھنؤ،نظامی پریس،1350 ھ ، 50+318 ص (شاعری) </ref>

* دبدبہ امیری ،  <ref> دہلی،برقی پریس، (شرح) </ref> 

* ذکرِ شاہِ انبیا <ref>  وفات نامہ (1303 ھ - )قلمی خیابانِ آفرینش ،آگرہ،مفید عام پریس،1308ھ ، 80 ص ،لکھنؤ،الناظر، </ref>

* محامد خاتم النبین <ref> لکھنؤ،نولکشور،1886ء، 142 ص </ref> 

مزید کتابیں یہ ہیں 

بہار ہند | گوہر انتخاب | سرمۂ بصیرت | صنم خانہ عشق </ref> لاھور،مطبع کریمی، 1353 ھ ،358 ص </ref>  | جوہر انتخاب | مرأۃ الغیب <ref> دیوان اول ،کراچی،ایوانِ امیر مینائی،2005ء ،431 ص </ref>  | مجموعۂ واسوخت | نور تجلی | ابر کرم <ref> (س ن - 53 صفحات) </ref> | مثنوی  <ref> فہرست صدیق بُک ڈپو.لکھنؤ </ref> | لیلتہ القدر | غیرت بہارستان | ہدایت السلطان | ارشاد السلطان

===نمونہ کلام===

*  [[حلقے میں رسولوں کے وہ ماہِ مدنی ہے ۔ امیر مینائی | حلقے میں رسولوں کے وہ ماہِ مدنی ہے ]]

* [[ دل میں ہے خیال رخ نیکوئے محمد - امیر مینائی | دل میں ہے خیال رخ نیکوئے محمد ]]

*[[خلق کے سرور شافع محشر صلی اللہ علیہ و سلم ۔ امیر مینائی | خلق کے سرور شافع محشر صلی اللہ علیہ و سلم]] <ref> ڈاکڑ شہزاد احمد، انوار عقیدت، انٹرنینشل حمد و نعت فاونڈیشن کراچی ۔ جون 2000</ref>

*[[آنسو مری آنکھوں میں نہیں آئے ہوئے ہیں ۔ امیر مینائی | آنسو مری آنکھوں میں نہیں آئے ہوئے ہیں]]

*[[اس آفتاب رخ سے اگر ہوں دو چار پھول ۔ امیر مینائی | اس آفتاب رخ سے اگر ہوں دو چار پھول]]



====بن آئی تیری شفاعت سے رو سیاہوں کی====


بن آئی تیری شفاعت سے رو سیاہوں کی

کہ فرد داخل دفتر ہوئی گناہوں کی


ترے فقیر دکھائیں جو مرتبہ اپنا

نظر سے اترے چڑھی بارگاہ شاہوں کی


ذرا بھی چشم کرم ہو تو لے اڑیں حوریں

سمجھ کے سرمہ سیاہی مرے گناہوں کی


خوشا نصیب جو تیری گلی میں دفن ہوئے

جناں میں روحیں ہیں ان مغفرت پناہوں کی


فرشتے کرتے ہیں دامان زلف حور سے صاف

جو گرد پڑتی ہے اس روضے پر نگاہوں کی


رکے گی آ کے شفاعت تری خریداری

کھلیں گی حشر میں جب گٹھڑیاں گناہوں کی


میں ناتواں ہوں پہنچوں گا آپ تک کیونکر

کہ بھیڑ ہوگی قیامت میں عذر خواہوں کی


نگاہ لطف ہے لازم کہ دور ہو یہ مرض

دبا رہی ہے سیاہی مجھے گناہوں کی


خدا کریم محمد{{ص}} شفیع روز جزا

امیر کیا ہے حقیقت میرے گناہوں کی


====بازو در عرفاں کا ہے بازوئے محمد{{ص}}====


بازو در عرفاں کا ہے بازوئے محمد{{ص}}

زنجیر اسی در کی ہے گیسوئے محمد{{ص}}


قوسین ہیں تفسیر دوا بروئے محمد{{ص}}

کونین تہ ظل دو گیسوئے محمد{{ص}}


منظور نظر اس کیے ہے سیر گلستاں 

شاید کہ کسی پھول میں ہو بوئے محمد{{ص}}


امت میں جو مشہور ہے منشور شفاعت

گیسوئے محمد{{ص}} ہے وہ گیسوئے محمد{{ص}}


کس طرح زبردست نہ ہو دست ید محمد{{ص}}

بازو میں جو ہو قوت بازوئے محمد{{ص}}


سبطین محمد{{ص}} تھے اگر مصحف ناطق

قرآن کی تھی رحل دو زانوئے محمد{{ص}}


حاصل یہ کبھی عرش کو ہوتی نہ بلندی 

ہوتا نہ اگر تکیہ پہلوئے محمد{{ص}}


چار آنکھیں کرے شیر فلک مجھ سے ہے کیا جا

سب جانتے ہیں میں ہوں سگ کوئے محمد{{ص}}


صحبت کو ہے تاثیر امیر اس میں نہیں شک

اصحاب میں کس طرح نہ ہو خوئے محمد{{ص}}


====تم پر میں لاکھ جان سے قربان یا رسول{{ص}}====

تم پر میں لاکھ جان سے قربان یا رسول{{ص}}

بر آئیں میرے دل کے بھِی ارمان یا رسول{{ص}}


کیوں دل سے میں فدا نہ کروں جان یا رسول{{ص}}

رہتے ہیں اس میں آپ کے ارمان یا رسول{{ص}}


کشتہ ہوں روئے پاک کا نکلوں جو قبر سے

جاری میری زباں پہ ہو قرآن یا رسول{{ص}}


دنیا سے اور کچھ نہیں مطلوب ہے مجھے

لے جاوں اپنے ساتھ میں ایمان یا رسول{{ص}}


اس شوق میں کہ آپ کے دامن سے جا ملے

میں چاک کر رہا ہوں گریباں یا رسول{{ص}}


کافی ہے یہ وسیلہ شفاعت کے واسطے

عاصی تو مگر ہوں پشیمان یا رسول{{ص}}


مشکل کشا ہیں آپ امیر آپ کا غلام

اب اس کی مشکلیں بھی ہوں آسان یا رسول{{ص}}


====حکمراں وہ ہے جو ہے بندہ فرماں ان{{ص}} کا====

جکمراں وہ ہے جو ہے بندہ ان{{ص}} کا

کون آزاد نہیں بندہ احسان ان{{ص}} کا


لے چلے بخشش امت کا خدا سے اقرار

عرصئہ حشر ہے مارا ہوا میداں ان{{ص}} کا


کس طرح گر کے کنوئیں سے نکل آتے یوسف

ہاتھ آتا نہ اگر گوشئہ داماں ان{{ص}} کا


کس کی طاقت ہے کہ مدحت میں زباں کھول سکے

جب خدا خود ہی ہو قرآں میں ثنا خواں ان{{ص}} کا


بادشاہوں کو کیا فقیر میں مغلوب امیر

وجہ یہ ہے کہ خدا خود تھا نگہباں ان{{ص}} کا


====دل آپ پر تصدق جاں آپ پر سے صدقے====

دل آپ پر تصدق جاں آپ پر سے صدقے

آنکھوں سے سر ہے قرباں آنکھیں ہیں سر سے صدقے


کہتے ہیں گرد عارض باہم یہ دونوں گیسو

میں ہوں ادھر سے صدقے تو بھی ادھر سے صدقے


کہتا ہے مہر و مہ سے رخ دیکھ کر نبی کا

تو شام سے ہے قرباں میں ہوں سحر سے صدقے


ناف زمیں ہے شہ کا مانند کعبہ روضہ

شرقی ادھر سے قرباں غربی ادھر سے صدقے


بولے ملک جو آدم نازاں ہوئے ولا پر

تم آج ہو فدائی ہم پیشتر سے صدقے


جو مال امیر کا ہے مالک ہیں آپ اس کے

دل آپ{{ص}} پر سے صدقے جاں آپ{{ص}} پر سے صدقے

=== وفات ===

آپ کی وفات [[13 اکتوبر]] [[1900]]ء کو ہوئی ۔

===شراکتیں===

[[صارف:تیمورصدیقی]] | [[صارف:ابو المیزاب اویس ]]

=== حواشی و حوالہ جات ===


[[زمرہ: شعراء]]
[[زمرہ: غزل گو شعراء ]]
[[زمرہ: نعت گو شعراء]]
[[زمرہ: مشہور نعت گو شعراء]]