امید کرم ہے مجھے سرکار زیادہ

نعت رسول کریم صلی اللہ علیہ وسلم 

امیدِ کرم ہے مجھے سرکار زیادہ

ہے میرے گناہوں کا بھی انبار زیادہ

ہر نعت مری نور کے پرتو سے ہو روشن

توفیق عطا ہو مجھے ہربار زیادہ

میں عشقِ محمد میں ہوا جب سے گرفتار

اب جان ہی پیاری ہے نہ گھربار زیادہ

ہر سانس ہو ا نوارِ نبی پاک سے روشن

ہر گام ہو لطفِ شہِ ابرار زیادہ

حسنین کا صدقہ ہو عطا شاہِ مدینہ

ہوتی ہی رہے مدحتِ اطہار زیادہ

اخلاص عطا ہو، مجھے اخلاص عطا ہو

توصیف کو یہ وصف ہے درکار زیادہ

میں جُبّہ و دستار و قبا کا نہیں منکر

بس پیشِ نظر رہتا ہے کردار زیادہ

مجید اختر