امید فاضلی
امید فاضلی
مختصر حالات زندگی
اردو کے ممتاز شاعر امید فاضلی کا اصل نام ارشاد احمد تھا اور وہ 17 نومبر 1923ء کو ڈبائی ضلع بلند شہر میں پیدا ہوئے تھے۔
ابتدائی تعلیم ڈبائی اور میرٹھ سے ہی پانے کے بعدعلی گڑھ مسلم یونیورسٹی سے گریجویشن کیا۔ ملازمت کا آغاز 1944ء میں
کنٹرولر آف ملٹری اکائونٹس کے محکمے سے کیا اور قیام پاکستان کے بعد کراچی میں بھی اسی اسی محکمے سے وابستہ رہے۔
امید فاضلی اردو کے اہم غزل گو اور اہم مرثیہ گو شعرا میں شمار ہوتے تھے۔ ابتدا میں وہ امید ڈبائیوی کےنام سے شاعری
کی بعد ازاں امید فاضلی کے نامِ نامی سے شہرت پائ ۔
تصانیف
میرے آقا ( نعتوں کا مجموعہ)
دریا آخر دریا ( غزلیات کا پہلا مجموعہ )
سر نینوا ( مرثیوں کا مجموعہ )
مناقب (منقبتوں کا مجموعہ )
پاکستان زندہ باد ( قومی شاعری کا مجموعہ )
تب و تاب جاودانہ (قومی شاعری کا مجموعہ)
نمونہ کلام
ان کے کئی اشعار ضرب المثل کا درجہ رکھتے ہیں۔
جانے کب طوفان بنے اور رستہ رستہ بچھ جائے
بند بنا کر سو مت جانا، دریا آخر دریا ہے
دلوں کو زخم نہ دو حرفِ ناملائم سے
یہ تیر وہ ہے کہ جو لوٹ کر بھی آتا ہے
کل اس کی آنکھ نے کیا زندہ گفتگو کی تھی
خیال تک نہ ہوا وہ بچھڑنے والا ہے
نعت گوئی
امید فاضلی نے نعت گوئی بھی اپنا منفرد اور پر اثر اسلوب قائم رکھا ہے ۔
نعتِ رسولِ مقبول (ص)
انﷺ کی مدحت کو قلم تحریر کر سکتا نہیں
حرفِ موجِ نور کو زنجیر کر سکتا نہیں
جس کا مسلک پیرویٔ اسوۂ سرکار ﷺہے
کوئی اس انسان کو تسخیر کر سکتا نہیں
ذہن و دل کا مرکز ومحور نہ ہو جب تک وہ ذات
کوئی اپنی ذات کی تعمیر کر سکتا نہیں
لا سے الا اللہ تک گر مصطفی ﷺ رہبر نہ ہوں
منزلوں کا فیصلہ راہ گیر کر سکتا نہیں
آپ ﷺہی سے زندگی نے پائے ہیں ایسے چراغ
کوئی جھونکا جن کو بے تنویر کر سکتا نہیں
معرفت اسمِ محمد ﷺ کی نہ ہو جب تک امید
آدمی قرآن کی تفسیر کر سکتا نہیں
۔۔۔۔۔۔۔۔۔۔۔۔۔۔۔۔۔۔۔
ان کی نعت گوئی سے متعلق اے ، آر ، وائی چینل پر خوشبوئے حسان کے عنوان سے بھی باقاعدہ پروگرام پیش ہوئے ۔
خوشبوئے حسان (رض)
شاعر : امید فاضلی
پیشکش : اے آر وائی ڈیجیٹل
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حصہ اول
https://www.youtube.com/watch?v=6bq2uE1q3kc
حصہ دوم
https://www.youtube.com/watch?v=LhaOqTCoh0A
حصہ سوم
https://www.youtube.com/watch?v=ZpbAq6pbzJE
حصہ چہارم
https://www.youtube.com/watch?v=dc2ykFPrZvg
حصہ پنجم
https://www.youtube.com/watch?v=ZrRw1yiwim8
وفات
28 اور29 ستمبر 2005ء کی درمیانی شب اردو کے ممتاز شاعر امید فاضلی کراچی میں وفات پاگئے۔ کراچی میں سخی حسن کے قبرستان میں آسودۂ خاک
ہیں۔
۔۔۔۔۔۔۔۔۔۔۔۔۔۔۔۔۔۔
