اس زمیں تک نہیں محدود ، وجود-مسعود ﷺ ۔ مسعودساگر

نعتِ رسولِ آخر صلی اللہ علیہ وآلہ وسلم

اس زمیں تک نہیں محدود ، وجودِمسعود ﷺ

کُن سے پہلے بهی تها موجود،وجودِمسعودﷺ

ہفت اقلیم نہیں نورِ مجسم کا بدل

ہے مرا گوہرِمقصود وجودِمسعود ﷺ

وہ تو پہنچا تها وہاں پر کہ جہاں ہوتی ہے

راہ جبریل کی مسدود،وجودِمسعود ﷺ

ورفعنا لک ذکرک،کرے تعریف خدا

ربِ کعبہ کا ہے محمود،وجودِ مسعود ﷺ

ان سے بڑھ کے کہیں رکهتا ہے پسینہ اس کا

مشک ، عنبر ،مہک ِ عود وجودِمسعود ﷺ

کہکشاں نقشِ کف ِپا کی بناتے ہوئے دهول

سدرہ سے آگے کرے بود ،وجودِ مسعود ﷺ

خاک کہتے ہیں جو اس کو انهی کے منہ میں خاک

غیر ممکن ہو وہ مفقود،وجودِمسعود ﷺ