آپ «اردو نعت میں مابعد جدیدیت کے اثرات ، کاشف عرفان» میں ترمیم کر رہے ہیں

کاشف عرفان ۔اسلام آباد

==== اردو نعت نگاری پر مابعد جدیدیت کے اثرات ====

اردو شاعری کے حوالے سے جب ہم جدیدیت کے ان نکات کو سمجھنے کی کوشش کرتے ہیں توہمیں اقبال کے ہاں اجتماعی شعور اور لاشعور کو سمجھنے کی کوشش نظر آتی ہے ۔

(نعت نگاری میں تاریخی تناظر ات اور عمرانیات کے علوم کے زیرِ اثر عرب معاشرے سے برصغیر کے تہذیبی تعلق کو سمجھنے کی کوشش مابعد جدیدیت کاموضوع رہی ہے ۔)

نعتیہ میدان میں مابعد جدیدیت کے حوالے سے اقبال کی شاعری اُس آفاقی سطح کو چھوتی نظرآتی ہے جس کی جانب مابعد جدیدیت کانظر یہ اشارہ کرتا ہے ۔اردو میں نعتیہ تنقید کوسب سے بڑا مسئلہ یہی درپیش رہا کہ اُس نے اقبال کو معیار (Standard)اور مرکز مان کربات کوآگے بڑھانے کے بجائے ایسے کلام پر گفتگو کی جو خود اُس درجے کو نہیں چُھوتا جہاں شعر آفاقیت حاصل کرلیتا ہے مابعد جدیدیت کاایک اہم نکتہ کائنات کی حدود میں پھیلاؤ اور کائنات کی لامحدودیت کوسمجھنے کے عمل سے متعلق ہے ۔ اردو نعت میں کائنات کی لامحدودیت کواللہ کے حکم سے تسخر کرنے کا عمل واقعہ معراج میں نظر آتا ہے ۔ اردو نعت میں واقعہ معراج کو مختلف سطحوں پر مختلف شعراء نے بیان کیاہے ۔ اِس موضوع کے بیا ن میں عام طور پر شعرا ء ندرتِ بیان اور نزاکت خیال کے ساتھ فکری گہرائی کااحساس نہیں رکھ پاتے یوں بہت سے عمدہ نعت گو بھی افراط وتفریط کاشکار ہوجاتے ہیں ۔

سید عارف کااسی موضوع پرایک خوبصورت شعر دیکھیے۔

واقعہ معراج کو وسعت کائنات اور لامحدودیت کے حوالے سے سائنسی اور منطقی طور پر سمجھنے کی کوشش ہمیں دوسرے کئی شعراء کے ہاں نظر آتی ہے تاہم اقبال اِس حوالے سے بھی سر خیل ٹھہرتے ہیں ۔

(اقبالؔ )

اقبال کے مذکورہ بالا شعر میں پہلی بارانسانوں میں سب سے کامل انسان اللہ کے رسول حضرت محمد صلی اللہ علیہ وآلہٰ وسلم کے معراج پرتشریف لے جانے سے سائنسی ،منطقی اورارضی سطح پرایک نتیجہ اخذ کرنے کی کوشش کی گئی ہے ۔ اقبال کے فلسفہ عشق اور فلسفہ تحرک کی روشنی میں اگر اس شعر پرغور کیاجائے تویہ شعر معراجِ مصطفی صلی اللہ علیہ وآلہٰ وسلمکے تناظر میں عظمتِ انسان اور معراجِ انسانیت کی بات کرتا نظرآتا ہے ۔

2(روشنی کی رفتار) 235 مادہ 236 توانائی

نبی اکرم صلی اللہ علیہ وآلہٰ وسلمکے واقعہ معراج کو عارف عبدالمتین نے کچھ یوں دیکھا :

انسان کی عظمت کے حوالے سے اقبال یوں رقمطراز ہیں ۔

اقبال کایہ شعر کائنات کی وسعت اور پھیلاؤ کوعظمت انسان کے تناظر میں دیکھتے ہوئے ایک نتیجہ اخذ کرتا ہے کہ اللہ کے برگزیدہ بندوں کے ایک قدم کافاصلہ کبھی کائنات کے پھیلاؤ سے زیادہ ہے ۔ اگر اللہ کی مدد سے سرورِ کائنات حضرت محمدمصطفیصلی اللہ علیہ وآلہٰ وسلم کاایک غلام محمد اقبال ؔ کے عشق کاایک قدم زمین وآسماں کی وسعتوں کو چھو سکتا ہے تو پھرامام الانبیاء کااللہ کے حکم سے آسمانوں کی سیر اور رب سے ملاقات عین برحق بھی ہے ۔اورامّت کے لیے رب کا انعام بھی ۔اللہ کی اپنے محبوب سے محبت کایہ عالم کہ جہاں وقت کوموجود اور ماوراء کے درمیان معلق کردیاجائے اورزمان ومکاں کوکائناتی نظم وضبط سے آزاد کردیا جائے صرف واقعہ معراج میں ہی نظر آتا ہے ۔ وقت کی رفتار کواللہ تعالیٰ کی جانب سے روکنا بھی نبی کریم صلی اللہ علیہ وآلہٰ وسلم ا ورامت نبی اکرمصلی اللہ علیہ وآلہٰ وسلم کے لیے ایک تحفہ تھا جو ہمیں رب کریم کی بارگاہ میں شکر بجا لانے کا پیغام بھی دیتا ہے اور اِس پر غور وفکر کی دعوت بھی۔

غالب کاایک شعر ہے ۔

تواِس قدِ دلکش سے جو بازار میں آوے

(حالیؔ )  

(غالبؔ )

(میرؔ )

(اقبالؔ )

(غالبؔ )

نعت نگاری میں تلمیحات کااستعمال بہت زیادہ ہے ۔تاریخی واقعات کے حوالے سے اقبال کا تنقیدی شعور بہت بلند تھا۔ اقبال کے ہاں مکمل عنوان کے ساتھ نعت کم کم ہی ملتی ہے لیکن  

لوح بھی تُو قلم بھی تُو تیرا وجود الکتاب

اِسی نعت میں وہ کہتے ہیں:

نعت کے اِس شعر میں خلافتِ عثمانیہ کے بادشاہوں کے جلال کومثال بناتے ہوئے جمال اور محبت کے پیکر صوفیائے کرام حضرت جنید بغدادیؒ اورحضرت بایزید بسطامیؒ کی زندگی اور فلسف ۂحیات کے ساتھ ساتھ اُن بزرگانِ دین کی حضرت محمدصلی اللہ علیہ وآلہٰ وسلم سے محبت کوبھی موضوع بنایاگیا ہے تلمیح کی یہ ایک خوبصورت مثال ہے ۔ اقبال کی اِس نعت پر بات کی جائے تو اقبال اِس نعت میں پرشکوہ الفاظ اور پر جلال ماحول کے ذریعے ایک ایسا افق بنانے میں کامیاب ہوئے جہاں جلال اور جمال کے ملنے کاخوبصورت منظر پیدا ہوتا ہے اسی نعت میں وہ آگے کہتے ہیں:  

محبت اتنی شدت کے ساتھ اقبال کے ہاں نبی اکرمصلی اللہ علیہ وآلہٰ وسلم کے لیے خصوصی طور پر جلوہ گرنظر آتی ہے اِس پوری نعت میں جلال اور بزرگی کاعنصر کچھ اِس طرح چھایا ہوا نظر آتا ہے کہ اِسے سنتے یاپڑھتے ہوئے گنبدِ خضریٰ کی سر سبز چھاؤں اور سنہری جالیوں کی روشنی آنکھوں میں پھرنے لگتی ہے ۔بچپن میں یعنی آج سے پچیس تیس سال قبل اِس کلام کو PTVپر محترمہ منیبہ شیخ کی زبانی سنا تھا ۔ پھر کئی نعت خوان خواتین و حضرات نے اِسے پڑھا لیکن کلام کے جلال وجمال کوجس طرح محترمہ نے اپنے ترنم سے زبان دی وہ انہی کاخاصہ ہے ۔ میں اِس کلام کی اتنی خوبصورت اور پر تاثیر ادائیگی پرمحترمہ کے لیے دعاگو ہوں ۔  

مابعد جدیدیت ایک متن پر دوسرے متن کے تخلیق کے رجحان کواہمیت دیتی ہے ۔نعت نگاری میں ایک متن کے حوالے سے متن میں دوسرے تخلیقی رجحان کو علامت نگاری کے حوالے سے دیکھا جاسکتا ہے ۔ شاعری میں علامت تخلیقی بنیادوں پرآتی ہے لہٰذا لفظ ہمہ جہت ہوجاتا ہے اوراُس کے کئی معنی لیے جاسکتے ہیں ۔

آفاقی شاعری میں لفظ منشور یا Prism(ایک کلون شیشے کاٹکڑا جس میں سے گزرکر روشنی سات رنگوں میں تقسیم ہوتی ہے )سے نظرآنے والے رنگوں کی طرح نظرآتا ہے منشور میں روشنی کی شعاع ایک طرف سے داخل ہوتی ہے اور ودسری طرف سے سات رنگوں میں تقسیم ہوکر باہردیکھنے والی آنکھ کونظر آتی ہے ۔بڑی علامتی شاعری میں لفظ معنی کی کئی تہیں بناتا ہے اورشعر لفظوں کی اسی ہمہ جہتی کے باعث آفاقیت اور کلاسیکی درجہ حاصل کرلیتا ہے ۔یادرہے کہ علامت تشبیہ اوراستعارہ سے مختلف ہے ۔ ڈاکٹر سید عبداللہ کے الفاظ میں علامت کی تعریف دیکھتے ہیں ۔

’’علامت مخفی تصورات کے وسیع ترین نظام کی مجمل ترین شکل ہے ۔یہ بھی دراصل تشبیہ کے خاندان سے ہے اور کسی نہ کسی جہت سے مشابہت کارابطہ اس میں کارفرما ہوتا ہے ۔‘‘ (6)

اردو نعت نگاری میں علامت کاگہرا اور تہذیب میں گُندھا ہوا استعمال خال خال ہی نظرآتا ہے ۔اِس کی بنیادی وجہ شعراء کی تن آسانی اور سامع کی آسان پسندی ہے ۔ نعت خوانی میں ایسے کلام کا چناؤ جس کی شاعرانہ حیثیت مُسّلم نہ ہو عوامی مزاج کے بگاڑ کاسبب بنا پھراردو غزل کابڑا شاعر نعت کی جانب آنے میں ہچکچا ہٹ محسوس کرتا رہا۔ ان سب وجوہات کے باوجود ایسا نہیں کہ اردو نعت میں بڑی علامتی شاعری بالکل ہی نہیں ہوئی ۔اردو نعت نگاری میں علامت کے استعمال کی چند مثالیں دیکھیں ۔

(کاشف عرفان)

اکیسویں صدی کے آغاز میں نائن الیون (11/9)نے تمام دنیا کے مسلمانوں کے لیے مسائل کے انبار لگا دیے ۔دنیا تہذیبی ٹکراؤ کے دہانے تک پہنچ چکی ہے ۔آج خصوصاً عراق شام افغانستان ،ایران اور پاکستان کے مسلمان عیسائی دنیا کی نفرت کاشکار ہیں اُس پرزیادہ دکھ کی بات یہ ہے کہ مسلمان متحد نہیں ہیں۔فرقہ بندی اور مسالک کی جنگ نے ہمیں تنہا کردیا ہے ۔چھوٹے چھوٹے گروہوں نے استعماریت کے خلاف اپنی اپنی جنگ شروع کردی ہے ۔ دین کی جس شکل کوجس نے پسند کیااُس پر نہ صرف خود عمل شروع کردیا بلکہ ساتھ ہی بزورِ بازو وہتھیار دوسرے کوبھی اِسی شکل پر عمل کرنے پر مجبور کیا یوں ہم مسلمان نفرتوں کے ایک ایسے جنگل میں گم ہوگئے ہیں جہاں سے ہمیں صرف سیرتِ محمدصلی اللہ علیہ وآلہٰ وسلم ہی نکال سکتی ہے اِسی حوالے سے صبیح رحمانی ؔ کی ایک نعتیہ نظم دیکھیے ۔

(صبیح رحمانی)

انسان دوستی کے عناصر کا نعت میں شامل ہونا شعراء سے بہت سے مطالعے اور ریاضت کامتقاضی ہے ۔ سیرتِ پاک کا مطالعہ اورآپصلی اللہ علیہ وآلہٰ وسلمکی زندگی کے اُن گوشوں کواردو نعت کاحصہ بنانا اورلوگوں تک پہنچانا نہایت ضروری ہے جہاں ابھی شعراء کی نظر نہیں پہنچی۔ نعت کے شاعر کاتخیّل بلند ہونے کے باوجود ادھر اُدھر بھٹکتا ہوا نہیں ہونا چاہیے نعت نگار جتنا Focused(متوجہ موضوع) ہوگا اُس کے لیے اچھی نعت کہنا آسان ہوگا ۔ عمومی شاعری اور نعتیہ شاعری میں فرق کے حوالے سے عزیز احسن کہتے ہیں ۔