آنکھوں کا چین دل کا سہارا ہے یا نبی ۔ فوزیہ شیخ

نعت رسول مقبول صلی اللہ علیہ وسلم

آنکھوں کا چین دل کا سہارا ھے "یا نبی ؐ ہر لا علاج مرض میں چارہ ھے "یانبی"

دل کو سکون آیا  مقدر  سنور  گیا

جب بھی مصیبتوں میں پکارا ھے "یا نبی"

وہ نور بن کے آئے ہیں درظلمت ِ لحد طوفانِ ِحشر میں بھی کنارہ ھے "یا نبی ؐ "

دامن میں میرے صرف اک عشق ِ رسول ھے ورنہ تو زندگی یہ خسارہ ھے "یا نبی ؐ

روضے کی جالیو ں پہ ہے قربان زندگی

قدموں میں تیرے موت گوارا ھے "یا نبی ؐ 

پڑھ کے درودچومتی گنبد کو یہ ھوائیں جنت سے بھی حسیں یہ نظارہ ھے "یا نبی "

یہ رب کی رحمتوں کا ھے ہم پر نزول جو محبوب ہم پہ اپنا اتارا ھے "یا نبی"

فوزیہ شیخ