تو جو اللہ کا محبوب ہوا ، خوب ہوا ۔ داغ دہلوی

شاعر: داغ دہلوی

نعت رسول اللہ صل اعلی علیہ و سلم

تو جو اللہ کا محبوب ہوا ، خوب ہوا

یا نبیﷺ خوب ہوا ، خوب ہوا ، خوب ہوا

حشر میں امت عاصی کا ٹھکانا ہی نہ تھا

بخشوانا تجھے مرغوب ہوا ، خوب ہوا

حسن یوسف میں ترا نور تھا، اے نور خداﷺ

چارہ دیدہ یعقوب ہوا، خوب ہوا

فخر آدم کو نہ ہوتا، جو فرشتہ ہوتا

بنی آدم سے جو منسوب ہوا ، خوب ہوا

داغ ہے روز قیامت، مری شرم اس کے ہاتھ

میں گناہوں سے جو محجوب ہوا ، خوب ہوا