رحمت برس رہی ہے محمد کے شہر میں ۔ ریاض الدین سہروردی

شاعر : ریاض الدین سہروردی

نعت رسول اللہ صل اعلی علیہ و سلم

رحمت برس رہی ہے محمد کے شہر میں

ہر شے میں تازگی ہے محمد کے شہر میں

ہر ایک بھر رہا ہے یہاں دامن مراد

مخلوق آ رہی ہے محمد کے شہر میں

دولت سکوں کی ہر جگہ ہم ڈھونڈتے رہے

آخر یہ مل گئی ہے محمد کے شہر میں

ہر سمت آ رہی ہیں صدائیں درود کی

اک دھوم سی مچی ہے محمد کے شہر میں

ایسا لگا کے سامنے خود آ گئے حضور

اک نعت جب پرہی ہے محمد کے شہر میں

روشن ہیں جس کے نور سے دونوں جہاں ریاض

ایسی شمع جلی ہے محمد کے شہر میں

مزید دیکھیے

ریاض الدین سہروردی