کوئی سلیقہ ہے آرزو کا نہ بندگی کا ۔ خالد محمود خالد

نعت کائنات سے
نظرثانی بتاریخ 10:54، 24 اپريل 2017ء از 39.55.107.226 (تبادلۂ خیال) (نیا صفحہ: {{بسم اللہ}} شاعر : خالد محمود خالد ==== نعت رسول اللہ صل اعلی علیہ و سلم ==== کوئی سلیقہ ہے آرزو کا ن...)
(فرق) → پرانا نسخہ | تازہ ترین نسخہ (فرق) | تازہ نسخہ ← (فرق)
Jump to navigationJump to search


شاعر : خالد محمود خالد

نعت رسول اللہ صل اعلی علیہ و سلم

کوئی سلیقہ ہے آرزو کا نہ بندگی میری بندگی ہے

یہ سب تُمہارا کرم ہے آقاﷺ کہ بات اب تک بنی ہوئی ہے


عطا کیا مجھ کو دردِ اُلفت کہاں تھی یہ پُر خطا کی قِسمت

میں اس کرم کے کہاں تھا قابل حضورﷺ کی بندہ پروری ہے


عمل کی میرے اساس کیا ہے بجز ندامت کے پاس کیا ہے

رہے سلامت بس اُن کی نسبت مرا تو بس آسرا یہی ہے


اُنہی کے دَر سے خُدا مِلا ہے انہی سے اُس کا پتہ چلا ہے

وہ آئینہ جو خُدا نُما ہے جمالِ حسنِ حضور ہی ہے


تجلّیوں کے کفیل تُم ہو مرادِ قلبِ خلیل تُم ہو

خُدا کی روشن دلیل تُم ہو یہ سب تمہاری ہی روشنی ہے


بشیر کہیے نزیر کہیے اُنہیں سراجِ مُنیر کہیے

جو سر بسر ہے کلام ربّی وہ میرے آقاﷺ کی زندگی ہے


یہی ہے خالد اساس رحمت یہی ہے خالد بنائے رحمت

نبیﷺ کا عرفان زندگی ہے نبیﷺ کا عرفان بندگی ہے


نعت خوانوں میں کلام کی پذیرائی

مزید دیکھیے

خالد محمود خالد