میں نعت نبی کیسے کہوں جاں پہ بنی ہے

نعت کائنات سے
نظرثانی بتاریخ 22:47، 16 جولائی 2022ء از 157.33.86.190 (تبادلۂ خیال) (نیا صفحہ: {{بسم اللہ }} شاعر: حسن فتح پوری بشکریہ:عالم نظامی === {{نعت}} === میں نعت نبی  کیسے کہوں  جاں پہ بن...)
(فرق) → پرانا نسخہ | تازہ ترین نسخہ (فرق) | تازہ نسخہ ← (فرق)
Jump to navigationJump to search


شاعر: حسن فتح پوری

بشکریہ:عالم نظامی

نعتِ رسولِ آخر صلی اللہ علیہ وآلہ وسلم[ترمیم | ماخذ میں ترمیم کریں]

میں نعت نبی  کیسے کہوں  جاں پہ بنی ہے

لفظوں میں کہاں آپ سی شیریں سخنی ہے


اَس  پیکرِ  نایاب  کا  سایہ  نہیں  کوئی

اس رحمت عالم کی مگر چھاوں گھنی ہے


ہمراہ  پیمبر  کے  گئی    عرشِ  بریں  تک

نالین  نبی  خاک . مدینہ  میں  سنی  ہے


خود اس کے سوا کوئی نہیں اسکے مقابل

وہ  محور  تخلیق  جہاں  ہے،  مدنی  ہے


لفظوں میں  بیان  ہوتا نہیں پیکرِ  عصمت

ان جیسی خیالوں  میں کہاں گل بدنی ہے


خود  جیسا  سمجھتا  ہے رسول عربی کو

اللہ  کی  مرضی  پہ  یہ  ناوک  فگنی  ہے


ہر  سمت  اذاں  ، دین  نبی  ، نام  محمد

ہر دشمن  اسلام  کے  گھر  سینہ  زنی ہے