جو انہیں مانتے ہیں ان کی ڈگر جانتے ہیں

شاعر: انس نبیل

بشکریہ:عالم نظامی

نعتِ رسولِ آخر صلی اللہ علیہ وآلہ وسلم

جو انھیں مانتے ہیں ان کی ڈگر جانتے ہیں 

بس وہی لوگ تو جینے کا ہنر جانتے ہیں

ان کی انگشت کی عظمت کو قمر جانتا ہے

پیر کی عظمتیں جبریل کے پر جانتے ہیں

مسکراتے ہوئے کہتے ہیں فقط لا تحزن

خوب دشوار ہے ہجرت کا سفر جانتے ہیں

آپ کے قربِ مسلسل کا نشہ کیسا ہے ؟

صرف اس راز کو صدیق و عمر جانتے ہیں

اے نبیل ان کی محبت ہے جو رکھ لیتی ہے لاج

نعت کا ورنہ کہاں آپ ہنر جانتے ہیں