جو خوش نصیب ہیں جاکر سلام کرتے ہیں ۔اظہر کمال
نعت کائنات سے
نظرثانی بتاریخ 15:30، 18 مارچ 2018ء از SOHAIL SHEHZAD (تبادلۂ خیال | شراکتیں) (نیا صفحہ: ==={{نعت }} === جو خوش نصیب ہیں جاکر سلام کرتے ہیں ہم ان کی نعت سنا کر سلام کرتے ہیں زمیں کا حسن شہہِ ک...)
نعتِ رسولِ آخر صلی اللہ علیہ وآلہ وسلم
جو خوش نصیب ہیں جاکر سلام کرتے ہیں
ہم ان کی نعت سنا کر سلام کرتے ہیں
زمیں کا حسن شہہِ کائنات کادر ہے
جہاں پہ شاہ بھی جا کر سلام کرتے ہیں
زمیں کی سیر کو آئیں ملائکہ جب بھی
وہاں قطار بنا کر سلام کرتے ہیں
فقط ثناۓ نبی کے سبب جہاں والے
مجھے گلے سے لگا کر سلام کرتے ہیں
وہ جن کو حرفِ ندامت کوئی نہیں ملتا
وہ صرف اشک بہا کر سلام کرتے ہیں
وہ جب نکلتے ہیں معراج کےلئے اظہر
ستارے راہ سجا کر سلام کرتے ہیں
