فردوس فاطمہ اشرفی

نمونہء کلام

خلد کس پر ہے فدا سوچو ذرا

حسنِ شہرِ مصطفی سوچو ذرا

صاحبِ لولاک کو آئے پسند

شعر ایسا نعت کا سوچو ذرا

ارضِ طیبہ پر قدم رکھتے ہوئے

حال کیا ہوگا ترا سوچو ذرا

یادِ سرور میں دلِ مغموم کے

مسکرانے کی ادا سوچو ذرا

ان کے در پر رائگاں ہوتا ہے کیا ؟  

دل کا کوئی مدعا سوچو ذرا

مجرموں کو حشر میں دے گی پناہ

کس کی رحمت کی ردا سوچو ذرا

ہے فضائے مدحت ِ احمد کہاں

اور کہاں فکرِ رسا سوچو ذرا

تیری آنکھوں میں ہے فردوسِ حزیں

خواب کس در کا بسا سوچو ذرا

فردوس فاطمہ اشرفی