داغ دہلوی

  یہ صفحہ نامکمل ہے ۔ اس میں معلومات کا اضافہ کرکے "نعت کائنات کی مدد کریں

نمونہ کلام

آپ کی شان ہے کیا شان رسول عربی

نعتِ رسولِ آخر صلی اللہ علیہ وآلہ وسلم

آپ کی شان ہے کیا شان رسول عربی

آپ پر جان ہے قربان رسول عربی

کس نے یہ مرتبہ پایا، یہ ہوا کس کو عروج

ہوئےاللہ کے مہمان رسول عربی

ہے وہی حکم خداوند تعالی بیشک

جو ہو آپ کا فرمان رسول عربی

آپ کا رتبہ ہے ایسا کہ جناب جبرائیل

آپ کے در کے ہیں دربان رسول عربی

تو جو اللہ کا محبوب ہوا ، خوب ہوا

تو جو اللہ کا محبوب ہوا ، خوب ہوا

یا نبیﷺ خوب ہوا ، خوب ہوا ، خوب ہوا

حشر میں امت عاصی کا ٹھکانا ہی نہ تھا

بخشوانا تجھے مرغوب ہوا ، خوب ہوا

حسن یوسف میں ترا نور تھا، اے نور خداﷺ

چارہ دیدہ یعقوب ہوا، خوب ہوا

فخر آدم کو نہ ہوتا، جو فرشتہ ہوتا

بنی آدم سے جو منسوب ہوا ، خوب ہوا

داغ ہے روز قیامت، مری شرم اس کے ہاتھ

میں گناہوں سے جو محجوب ہوا ، خوب ہوا