مہر و مہ و انجم کی، تنویر کا وہ باعث

شاعر: سلمان رسول

نعت رسول مقبولﷺ

مہر و مہ و انجم کی، تنویر کا وہ باعث

انساں کی زمانے میں، توقیر کا وہ باعث

تخلیق بشر کا بھی، کارن ہیں مرے آقا

ہیں خانہ ہستی کی، تعمیر کا وہ باعث

گو خالق ارض و سما، موجود ہے، دائم ہے

ہیں اس کے تعارف کا، تکبیر کا وہ باعث

ایجاب دعاؤں کا، ہے ان کے حوالے سے

سب خوابوں کی ہیں اپنے، تعبیر کا وہ باعث

آلائش عصیاں سے، فتنوں سے جہالت سے

ہیں باطنِ عالَم کی، تظہیر کا وہ باعث