اے مدینے جانے والو مجھے چھوڑ کر نہ جانا ۔ محمد منظر صدیقی ناز

شاعر: محمد منظر مصطفٰی ناز صدیقی اشرفی

نعت رسول اکرم صلی اللہ علیہ وسلم

اے مدینے جانے والو مجھے چھوڑ کر نہ جانا

مری آنکھوں کو دکھادو شہ دیں کا آستانہ

اک رنج و غم کا مارا فرقت میں جل رہا ہے

سرکار دوجہاں کو روداد یہ سنانا

ہے زمین پاک طیبہ عرش بریں سے بڑھ کر

ہے ادب کا یہ تقاضا وہاں سر کے بل ہی جانا

زہے بخت ہو میسر تمہیں دید سبز گنبد

تو زباں پہ ہو تمہارے صل علی ترانہ

دیدار ارض طیبہ قسمت میں گر نہیں ہے

تو صبا تو خاک طیبہ ہی مجھے کبھی سنگھانا

سرکار کیسے آؤں نہ ہے زر نہ بال و پر ہیں

مگر آپ چاہیں تو ہو میرا مدینے آنا

تمہیں حاجیوں میسر نہ ہوں گر وہاں کی کلیاں

صحراءے مصطفٰی سے کچھ خار ہی لے آنا

مرے چارہ گر مری بس یہی تم سے التجا ہے

رخ زیبا اپنا مجھکو دم آخری دکھانا

کیوں ناز اہل دنیا سے دل لگا رہے ہو

محبوب رب اکبر سے اپنا دل لگانا