"اک چشمِ کرم ، شاہِ اُمم ، سیّدِ لولاک ! ۔ ذوالفقار علی دانش" کے نسخوں کے درمیان فرق
نعت کائنات سے
Jump to navigationJump to search
(نیا صفحہ: اک چشمِ کرم ، شاہِ اُمم ، سیّدِ لولاک ! آئے ہیں بڑی دور سے ہم سیّدِ لولاک ! ہیں زیرِ نگیں آپ کے سب...) |
Admin (تبادلۂ خیال | شراکتیں) کوئی خلاصۂ ترمیم نہیں |
||
سطر 1: | سطر 1: | ||
{{بسم اللہ }} | |||
شاعر: [[ذوالفقار علی دانش ]] | |||
{{نعت 2}} | |||
اک چشمِ کرم ، شاہِ اُمم ، سیّدِ لولاک ! | اک چشمِ کرم ، شاہِ اُمم ، سیّدِ لولاک ! | ||
نسخہ بمطابق 21:26، 8 جولائی 2017ء
شاعر: ذوالفقار علی دانش
نعت ِ رسول ِ کریم صلی اللہ علیہ وآلہ وسلم
اک چشمِ کرم ، شاہِ اُمم ، سیّدِ لولاک !
آئے ہیں بڑی دور سے ہم سیّدِ لولاک !
ہیں زیرِ نگیں آپ کے سب ارض و سماوات
اے شاہِ عرب ، شاہِ عجم ، سیّدِ لولاک !
اللہ کے بعد آپ کا رتبہ ہے مسلّم
اے خیرِ رُسُل ، خیرِ اُمم ، سیّدِ لولاک !
تاریکی نے ظلمت نے ہمیں گھیر لیا ہے
لللہ کرم ، چشمِ کرم ، سیّدِ لولاک !
اے کشتیِ امت کے نگہبان ! کرم کر
اُمّت ہے تری غرقِ ستم ، سیّدِ لولاک !
دربار کہاں تیرا کہاں ننگِ جہاں میں
لرزیدہ بدن ، آنکھ ہے نم ، سیّدِ لولاک !
پھر مانگ ،ارے مانگ ، ارے مانگ ، ارے مانگ
ہر لحظہ ہیں مائل بہ کرم ، سیّدِ لولاک
حاضر ہوں سلامی کو کسی روز ہم آقا
کر دیجیے اسباب بہم ، سیّدِ لولاک !
سرکار سے سرکار کو تُو مانگ لے دانش !
پھیلائے ہیں دامانِ کرم سیّدِ لولاک