آئیے عرش کے زینے کی طرف چلتے ہیں

شاعر: معین شاداب

بشکریہ:عالم نظامی

نعتِ رسولِ آخر صلی اللہ علیہ وآلہ وسلم

آئیے عرش کے زینے کی طرف چلتے ہیں

رب سے ملنا ہے مدینے کی طرف چلتے ہیں

زخم جن ہاتھوں سے کھانا انھیں مہکا دینا

زیست کے ایسے قرینے کی طرف چلتے ہیں

نعرۂ صلی علی پڑھ کے پلٹ دو ان کو

یہ جو طوفان سفینے کی طرف چلتے ہیں

اپنے کردار کی آرائش و زینت کے لئے

ان کی سیرت کے نگینے کی طرف چلتے ہیں

کس طرف چل دیے منزل نہ ادھر ہے نہ ادھر

لوٹیے مکہ مدینے کی طرف چلتے ہیں