آپ «سانچہ:آج کی نعت» میں ترمیم کر رہے ہیں

{|  class="wikitable" style="background-color:#ffffff; vertical-align:top; margin-left: 10px;"
! style="text-align:right; color: green; background-color:##eae8e0" colspan="8|آج کی نعت : [[عاصی کرنالی  ]]
|-
|
{|  " class="wikitable" 
| text-align:center; | 
|} 

شاعر: [[عاصی کرنالی ]]

===== {{نعت }} =====


ثنائے خواجہ میں اے ذہن! کوئی مضموں سوچ

جناب! وادیِ حیرت میں گم ہوں، کیا سوچوں؟


زبان! مرحلہِ مدح پیش ہے، کچھ بول

مجالِ حرف زدن ہی نہیں ہے کیا بولوں؟


قلم! بیاضِ عقیدت میں کوئی مصرع لکھ

بجا کہا، سرِ تسلیمِ خم ہے کیا لکھوں؟


شعور! اُن کے مقامِ پیمبری کو سمجھ

میں قیدِ حد میں ہوں، وہ بیکراں ہیں کیا سمجھوں؟


خرد! بقدرِ رسائی تُو اُن کے علم کو جان

میں نارسائی کا نقطہ ہوں اُن کو کیا جانوں؟


خیال! گنبدِ خضرٰی کی سمت اُڑ، پر کھول

یہ میں ہوں اور یہ مرے بال وپر ہیں کیا کھولوں؟


طلب! مدینے چلیں نیکیوں کے دفتر باندھ

یہاں یہ رختِ سفر ہی نہیں ہے کیا باندھوں؟


نگاہ! دیکھ کہ ہے رُوبرو دیارِ جمال

ہے ذرہ ذرہ اں آفتاب کیا دیکھوں؟


دل! اُن سے حرفِ دعا، شیوہِ تمنا مانگ

بلا سوال وہ دامن بھریں تو کیا مانگوں؟


حضور! عجزِ بیاں کو بیاں سمجھ لیجے

تہی ہے دامنِ فن، آستاں پہ کیا لاؤں؟

|}