کوئی عقبی کوئی دنیا مانگے ۔ نور احمد قادری
نعت کائنات سے
Jump to navigationJump to search
شاعر : نور احمد قادری
حمدِ باری تعالی جل جلالہ[ترمیم | ماخذ میں ترمیم کریں]
کوئی دنیا کوئی عقبیٰ مانگے
نور تجھ سے ترا جلوہ مانگے
تیری رحمت اسے دریا بخشے
جو تری ذات سے قطرہ مانگے
توہی داتا ہے ہر اک داتا کا
خیر تجھ سے ہی زمانہ مانگے
کر عطا وہ جو تجھے شایاں ہے
بن کے سائل کوئی کیا کیا مانگے
دینے والے مجھے اتنا دے دے
نام لے کر ترا دنیا مانگے
سب کو دیتا ہے تو اسباب حیات
ہو کوئی غیر کہ اپنا مانگے
تیرے محتاج ہیں سب جن و بشر
نور بھی نور کا صدقہ مانگے
