عرب سے دورعجم کے کسی دیار میں ہوں ۔ محبوب احمد، سرگودھا

شاعر: محبوب احمد، سرگودھا

نعت ِ رسول ِ کریم صلی اللہ علیہ وآلہ وسلم

عرب سےدورعجم کےکسی دیارمیں ہوں

میں صبح وشام بلاوےکےانتظارمیں ہوں

کرم ہےانکاکہ ہوں انکاامتی یارو

وگرنہ میں بھری محفل میں کس شمارمیں ہوں

خداکرےکہ گروں جاکےانکی چوکھٹ پر

میں ایک اشک.ہوں اورچشمِ اشکبارمیں ہوں

خداکرےکہ ہوپھرپھرسےانکی دیدنصیب

میں اک تمناہوں اورقلبِ بےقرارمیں میں

جو طیبہ میں ہوں تو محسوس ہورہاہےمجھے

میں ایک پھول ہوں اوردامنِ بہارمیں ہوں

تم اپنی راہ لواحباب!مت بلاؤمجھے

تصورِ شہِ شاہانِ نامدارمیں ہوں

مہک رہی ہےمرےدل دماغ کی دنیا

خیالِ سیدِ کونینِ تاجدارمیں ہوں

پہنچ ہی جاؤں گااک روزکوئےطیبہ میں

میں مشتِ خاک ہوں اورحالتِ غبارمیں ہوں

حضور!ہومری بےاعتدالیوں سے گزر

سراپادل ہوں کہاں اپنےاختیارمیں ہوں

بیرونی روابط

نعت ورثہ لٹریری ڈسکشنز میں نعت مبارکہ پر گفتگو ]