نور محمد صلی اللہ علیہ والہ وسلم

شاعر : مرزا حفیظ اوج

اپنے ادارے کی نعتیہ سرگرمیاں، کتابوں کا تعارف اور دیگر خبریں بھیجنے کے لیے رابطہ کیجئے۔

نعتِ رسولِ آخر صلی اللہ علیہ وآلہ وسلم

نورِ محمد (صلی اللہ تعالیٰ علیہ والہ وسلم)

جو چاہا کنزِ مخفی نے مجھے بھی چاہا جائے اب

مرا عرفان ہو

اور صاحبِ عرفاں کوئی تو ہو

یہ چاہت پھر ارادہ بن کے گونجی ”کن“

فقط اِک حکمِ ”کن“ گونجا

خدا کی چاہ نے تشکیل ہونا تھا

عدم تبدیل ہونا تھا

ردھم تمثیل ہونا تھا

اٹل اِک حکم ”کن“ تھا، سواِسے تعمیل ہونا تھا

ہوئی بس آنِ واحد میں وہی تعمیلِ اوّل تھی

جسے مقصودِ کن رکھا

وہی تخلیق ِ اوّل بھی وہی تعمیل ِ اوّل ہے

وہی نور ِ محمد ہے

اساسِ جہت وتکوین ومکان و لامکاں جو ہے

وہ نورِ معتبر جس کے توّسل سے

نظامِ کن فکاں روشن

خدا نے وقت کو تخلیق فرمایا

دِنوں ہی میں زمانے بن گئے اُس نور کے صدقے

زمیں، سورج، ستارے، چاند سب اُس نور سے چمکے

وہ نورِ معتبر جس کے تصدّق سے

بہاریں پھول لاتی ہیں

چمن میں تازگی بھر بھر

سبھی پتے، شجرہر پھول، شبنم پر جوانی ہے

آبشاروں کی روانی ہے

شعارِ زندگانی میں حرارت ہے وہی تو ہے

خمارِ بندگی میں جو جسارت ہے وہی تو ہے

ارے ہر دیدۂ نم میں بصارت ہے وہی تو ہے

وہی تو ہے جو تفہیم ِاحد کو کھولتا جائے

مکان و لا مکاں میں یا صمد جو بولتا جائے

وہی جو نورِ اوّل ہے

وہی تخلیق ِ اوّل بھی

وہی تعمیل ِ اوّل بھی

وہی نورِ محمد ہے کہ جو مقصودِ کن بھی ہے

وہی نورِ محمد ہے

مزید دیکھیے

اپنے ادارے کی نعتیہ سرگرمیاں، کتابوں کا تعارف اور دیگر خبریں بھیجنے کے لیے رابطہ کیجئے۔

نئے اضافہ شدہ کلام

ان کے الطاف کے بعد، ان کی عطا سے پہلے - احمد جاوید ہے چہرہ چاند تو ساری شخصیت چاندنی، آہا - نعیم صدیقی شکستہ راستوں کو راستی کا حکم ملے ۔ اکرام اللہ اعظم میں نے عُمرے پہ جاتے ہووں سے کہا، ایک دربار ہے ہر کوئی ان کو چہرہ ء قرآن کہہ رہا ہے نعت کیا ہے - نمرہ گل خان ترے خیال کو دل میں بسا کے لایا ہوں ۔ عارف عبد المتین روضہ ہے مرے سامنے گھر بھول گیا ہوں ۔ اسلم فیضی جو مقدس ہے زمانے میں مگر دیکھا ہے ۔ حافظ لدھیانوی دیکھتے جلوہ سرکار کو آتے جاتے ۔ کفایت اللہ کافی

قلم نے لوح پر نام محمد جب لکھا ہو گا۔ غلام سرور لاہوری تمنا آرزو حسرت مری آنکھوں میں رہتی ہے۔ ظہیر قدسی نامِ شاہِ امم دل سے لف ہو گیا ۔ اشفاق احمد غوری آنکھیں سجود میں ہیں تو دِل کا قیام ہے ۔ اختر شمار رضی الدین رضی کی مکالماتی نعت شہرطیبہ کے دروبام سے باندھے ہوئے رکھ ۔ قمر رضا شہزاد طیبہ کی اُس ریت پہ پھولوں کے مسکن قربان ۔ نجم الاصغر شاہیا خاک جب اس پیکر نوری کا مدفن ہو گئی ۔ عاصی کرنالی کہاں میں کہاں مدح ِ ذات ِ گرامی ۔ ماہر القادری سوال: عبد کی معبود تک رسائی ہے ۔ حزیں صدیقی

"نعت کائنات " پر اپنے تعارفی صفحے ، شاعری، کتابیں اور رسالے آن لائن کروانے کے لیے رابطہ کریں ۔ سہیل شہزاد : 03327866659

نئے صفحات
سرور حسین نقشبندی تقدیس قلم مناقب حضرت عثمان غنی کلیات صبیح رحمانی عبد الغنی تائب زبیب مسعود ڈاکٹر جوہر قدوسی سلیم شہزاد کی تقدیسی شاعری "کشفیہ" پر تبصرہ