ہر ایک پھول نے مجھ کو جھلک دکھائی تری ۔ احمد ندیم قاسمی
نعت کائنات سے
This is the approved revision of this page, as well as being the most recent.
شاعر: احمد ندیم قاسمی
نعتِ رسولِ آخر صلی اللہ علیہ وآلہ وسلم
ہر ایک پھول نے مجھ کو جھلک دکھائی تری
ہوا جدھر سے بھی آئی ، شمیم لائی تری
وہ شخص اپنے مقدر کا خود ہے صورت گر
کہ جس نے اپنے ارادوں میں لَو لگائی تری
مرے نقوشِ قدم پر چراغ کیوں نہ جلیں
کہ رہنما ہے مری شانِ رہنمائی تری
گواہی دیتا ہے یہ ارتقائے انسانی
کہ کام آئی جہاں بھر کو پیشوائی تری
مجھے قسَم ہے تری سیرتِ منَزَّہ کی
کہ تاج و تخت پہ اک طنز تھی چٹائی تری
