پیامِ حق کا تمہیں منتہی سمجھتے ہیں ۔ ناصر کاظمی
نعت کائنات سے
Jump to navigationJump to search
شاعر: ناصر کاظمی
نعتِ رسولِ آخر صلی اللہ علیہ وآلہ وسلم
پیامِ حق کا تمہیں منتہی سمجھتے ہیں
تمہاری یاد کو ہم زندگی سمجھتے ہیں
تمہارے نور سے معمور ہیں وجودِ عدم
اسی چراغ کو ہم روشنی سمجھتے ہیں
قدم پڑا ہے جہاں آپ کے غلاموں کا
ہم اس زمین کو تختِ شہی سمجھتے ہیں
یہ آپ ہی کا کرم ہے کہ آج خاک نشیں
مقامِ بندگی و قیصری سمجھتے ہیں
سمجھ سکیں گے وہ کیا رتبہِ نبیِ کریم
جو آدمی کو فقط آدمی سمجھتے ہیں
مزید دیکھیے
جان محمد قدسی | حسن رضا خان بریلوی|احمد رضا خان بریلوی
