نام در نام مٹی جاتی ہے امت مددے ۔ لیاقت علی عاصم

شاعر : لیاقت علی عاصم

نعتِ رسولِ آخر صلی اللہ علیہ وآلہ وسلم

نام در نام مٹی جاتی ہے امت مددے

اے قریشی لقب و ہاشمی نسبت مددے

دھوپ ہے اور بہت بے سروسامانی ہے

آیۂ حق مددے، سایۂ رحمت مددے

آسمانوں سے مسلسل یہ بلاؤں کا نزول

کوئی نیکی مددے، کوئی عبادت مددے

چشم مژ گاں بھی دھواں، سینہ و دل بھی تاریک

مطلع نور خدا، مہر نبوت مددے

اپنے ہی رنگ سے بے عکس ہے چہروں کا ہجوم

مرجع خوش نظراں، آئینہ صورت مددے

اب کوئی غیر نہیں اپنے مقابل ہم ہیں

اے صف آرائے احد، حس قیادت مددے

آپ کا درس مواخات مٹا جاتا ہے

حامی رسم افر، صاحب ہجرت مددے

کچھ اس نعت کے بارے

اس نعت مبارکہ کو فیس بک کے نعتیہ فورم " نعت اکیڈمی " کی تنقیدی نشست 2015 میں اول پوزیشن حاصل ہوئی

مزید دیکھیے

آرزو لکھنوی | ابن صفی | پروین شاکر | ثروت حسین | جمیل الدین عالی | جون ایلیا | حفیظ ہوشیار پوری | حمایت علی شاعر | رسا چغتائی | رئیس امروہوی | شان الحق حقی | عزم بہزاد | عقیل عباس جعفری | عنبرین حسیب عنبر | فرمان فتح پوری | کاشف حسین غائر | لیاقت علی عاصم | محسن بھوپالی | نصیر ترابی