قسیم نور و تجلی کی ذات روشن ہے ۔ نواز اعظمی

"نعت کائنات" سے
This is the approved revision of this page, as well as being the most recent.
:چھلانگ بطرف رہنمائی, تلاش

Temp nawaz azmi.jpg

شاعر: نواز اعظمی

نعت ِ رسول ِ کریم صلی اللہ علیہ وآلہ وسلم[ترمیم]

قسیم ِ نور و تجلی کی ذات روشن ہے

سراپا حاملِ حسنِ صفات روشن ہے


حریمِ جاں میں ہے عشقِ شہِ امم کا چراغ

سو میرے دل کی ابھی کائنات روشن ہے


رخِ نبی سے منور ہوئی ہے صبحِ ازل

گھنیری زلف کے سائے میں رات روشن ہے


اٹھی جو روشنی غارِ حرا سے حکمت کی

اسی سے جلوہ گہِ شش جہات روشن ہے


میں جا رہا ہوں دیارِ شہِ امم کی طرف

زہے نصیب سبیلِ نجات روشن ہے


میں اس کے گوشوں میں کس کس کو اب شمار کروں

"ہر ایک پہلو سے ان کی حیات روشن ہے "


نواز گرچہ ترا دل ہے تیرہ و تاریک

تری طرف نظَرِ التفات روشن ہے

تازہ انتخاب[ترمیم]

زیادہ پڑھے جانے والے کلام