عبدالقادر ہمدم قادری

رحمت ہے اُس پہ جو بھی قلمدانِ نعت ہے صد شُکر ہے خدا کا یہ احسانِ نعت ہے

سرکار ﷺ کا کرم ہے فقط اور کچھ نہیں قلب و جگر میں آج جو میلانِ نعت ہے

سرکار ! یہ یقین ہے صدقے میں آپ کے محفوظ میرے قلب میں ارمانِ نعت ہے

دل میں بسی ہے الفتِ سرکارِ ہر جہاں قلب و جگر پہ دیکھئے بارانِ نعت ہے

مجھ کو شعور کب ہے کہ نعتِ نبی لکھوں شکرِ خدا کہ آج یہ وجدانِ نعت ہے

جرم و خطا کا‌ بوجھ مرے سر پہ ہے مگر راہِ نجات کے لئے سامانِ نعت ہے

اعلیٰ ہے کتنی دیکھئے شانِ رسولِ پاکﷺ " ہر شعبۂ حیات میں امکانِ نعت ہے

ہمدمؔ درودِ پاک پڑھو جھوم جھوم کر شایانِ نعت ہے یہی شایانِ نعت ہے

انصاری عبدالقادر ہمدمؔ قادری