دیوان مشاعرہ ۔ مشاعرہ گروپ ۔ فیس بک
’’دیوان مشاعرہ‘‘ فیس بک کے گروپ ’’مشاعرہ‘‘ کے زیر اہتمام جاری دیوان طرز کا مشاعرہ ہے۔ گمان یہ ہے کہ دیوان مشاعرہ کی اصطلاح بھی سب سے پہلے اسی گروپ میں استعمال کی گئی [1] جس میں ہر ماہ ایک ایونٹ حمد و نعت اور دوسرا غزل پر مبنی ہوتا ہے۔ اب تک اس ایونٹ کے تحت اردو کے حرف تہجی ج تک مشاعرے منعقد ہو چکے ہیں جن میں بہت اعلی پائے کی نعوت سامنے آئی ہیں۔
دیوان مشاعرہ اپریل 2016[ترمیم | ماخذ میں ترمیم کریں]
دیوان مشاعرہ کا آغاز یکم اپریل 2016 کو ہوا اور پہلا ایونٹ حمد پر مبنی تھا۔ ایونٹ کے لیے ردیف ’’الف‘‘ اوربحر ’’فاعلاتن مفاعلن فعلن‘‘ مقرر کی گئی۔ ذیل میں دیوان مشاعرہ کے پہلے ایونٹ کی موزوں تخلیقات پیش کی جا رہی ہیں:
سلمان رسول[ترمیم | ماخذ میں ترمیم کریں]
حمد باری تعالیٰ
اپنی مخلوق پر نظر مولا!!
تو کہ خالق ہے سب جہانوں کا
ہاتھ تیرا ہے پشت پر میری
کیا بگاڑے گا پھر کوئی میرا
دل پریشاں کبھی جو ہوتا ہے
نام تیرا ہے حوصلہ دیتا
اپنے محبوب کے وسیلے مری
سب خطائیں معاف کر دینا
نسرین سید[ترمیم | ماخذ میں ترمیم کریں]
راہ دکھلائے گا ، خدا میرا
بس وہی تو ہے رہ نما میرا
سب کی مشکل جو ٹال دیتا ہے
ہے مصیبت میں آسرا میرا
اس قدر جس نے نعمتیں بخشیں
اس کے آگے ہے سر جھکا میرا
وہ حفاظت کرے ہواؤں سے
یونہی روشن نہیں دیا میرا
اُس کا دستِ کرم ہے سب نسرینؔ
حمد لکھنا؟ یہ مرتبہ میرا ؟
محمد اسامہ سرسری[ترمیم | ماخذ میں ترمیم کریں]
کوئی تجھ سا نہیں ہے میرے خدا
تو نے سب کو بنایا سب سے جدا
عقل حیراں ہے اپنے خالق پر
لمحہ لمحہ نئی ہے اس كي ادا
مومنو! "لا الہ الا اللہ"
ذرے ذرے سے آ رہی ہے صدا
یہ اذانیں ، اقامتیں کیا ہیں؟
بندگان خدا! خدا کی ندا
"لم یزل لایزال" ہے یعنی
وہ ہمیشہ سے ہے ، رہے گا سدا
اولیاء ، انبیاء ، رسل سارے
اس کے در پر کھڑے ہیں بن کے گدا
زیست اور نام رب کی بخشش ہیں
اس پہ سو جان سے اسامہ فدا
محمد امجد نذیر[ترمیم | ماخذ میں ترمیم کریں]
اک مری بھی ہے التجا مولا!
اپنے در کا گدا بنا مولا!
پھنس گیا ہوں عذابِ دنیا میں
صرف تیرا ہے آسرا مولا
محمد امجد نذیر
اکبر داندو پوری[ترمیم | ماخذ میں ترمیم کریں]
کہیں ظاہر کہیں چھپا مولا!
تیرا جلوہ ہے جا بجا مولا!
خوں اُگلتی ہے زندگی اب تو
اک نظر ہو ادھرذرا مولا
ہم غریبوں کو تُو نے بن مانگے
جانے کیا کیا عطا کیا مولا
اپنے دامن میں بھر کےلایا ہوں
تیری رحمت کا آسرا مولا
دے مجھے اپنی 'حمد' کے صدقے
نعت لکھنے کی ہر ادا مولا
حمد کی پُر فضا زمینوں پر
خوب لکھوں تری ثنا مولا
ہے دعا لب پہ اب' یہ ماؤں کے
گود کو رکھ ہرا بھرا مولا
نعرہ تکبیر کا لگا کے یہاں
لوگ کاٹے ہیں اب گلا مولا
قاتلوں کے لبوں پہ نام ترا
ظلم کی ہے یہ انتہا مولا
حواشی و حوالہ جات[ترمیم | ماخذ میں ترمیم کریں]
- ↑ حوالہ درکار
