دلوں کے ساتھ جبینیں جو خم نہیں کرتے ۔ افتخار عارف

شاعر ؛ افتخار عارف

نعتِ رسولِ آخر صلی اللہ علیہ وآلہ وسلم

دلوں کے ساتھ جبینیں جو خم نہیں کرتے

وہ پاسِ مدحتِ خیر الامم ؐ نہیں کرتے

دعا بغیر، اجازت بغیر، اذن بغیر

ہم ایک لفظ سپرد قلم نہیں کرتے

کتابِ حق نے جنہیں مصطفےؐ قرار دیا

جز اُن کے اور کوئی ذکر ہم نہیں کرتے

کریم ایسے کہ انعام کرتے جاتے ہیں

جواد ایسے کہ نعمت کو کم نہیں کرتے

جو اُن کے جادہ رحمت سے منحرف ہو جائیں

زمانے اُن کو کبھی محترم نہیں کرتے

میسر آتی ہے جن کو درود کی توفیق

کسی بھی حال میں ہوں کوئی غم نہیں کرتے

نظر میں طائف و مکہ رہیں تو ان کے غلام

جواب میں بھی ستم کے، ستم نہیں کرتے

مزید دیکھیے

زیادہ پڑھے جانے والے کلام
اے سبز گنبد والے منظور دعا کرنا ۔ صابر صابری تو شاہ خوباں، تو جان جاناں، ہے چہرہ ام الکتاب تیرا ۔ صائم چشتی لم یات نظیرک فی نظر مثل تو نہ شد پیدا جانا ۔ احمد رضا بریلوی نہ کہیں سے دور ہیں منزلیں ۔ منور بدایونی طائف میں کربلا کے سفینے کی روشنی ۔ نجمہ شاہین کھوسہ نسیما ! جانب بطحا گزر کن . مولانا عبدالرحمن جامی	مصطفٰے جانِ رحمت پہ لاکھوں سلام۔ امام احمد رضا خان بریلوی حضور ایسا کوئی انتظام ہو جائے ۔ سید صبیح الدین صبیح رحمانی حدود طائر سدرہ حضور جانتے ہیں ۔ سرور حسین نقشبندی اس کرم کا کروں شکر کیسے ادا ۔ عبدالستار نیازی یا نبی نظر کرم فرمانا اے حسنین کے نانا ۔ اوصاف علی زمین و زماں تمہارے لیے۔ امام احمد رضا خان بریلوی