جھانکوں جو دل میں اپنے، مدینہ دکھائی دے ۔ خالد شفیق
نعت کائنات سے
This is the approved revision of this page, as well as being the most recent.
شاعر: خالد شفیق
نعتِ رسولِ آخر صلی اللہ علیہ وآلہ وسلم
جھانکوں جو دل میں اپنے، مدینہ دکھائی دے
ہر گوشہ مرے دل کا مہکتا دکھائی دے
یادِ نبی کی چاندنی میں ہر طرف مجھے
ذرّہ نظر جو آئے، نگینہ دکھائی دے
صلِ علیٰ نبیِّنا وردِ زُباں رہے
آنکھو! تمہیں جو گنبدِ خضرا دکھائی دے
جب یاد آئیں شہرِ مدینہ کے روز وشب
جاں مضطرب ہو، قلب تڑپتا دکھائی دے
شہرِ نبی کو جاؤں میں، پھر سے خدا کرے
ترسی نظر کو روضہ خواجہ دکھائی دے
سوتا ہوں راات دل میں تمنّا لیے ہوئے
یارَب! کبھی حضور کا مکھڑا دکھائی دے
کہتا ہوں نعتِ مصطفےٰ خالد میں جس گھڑی
صَلوا عَلَیہِ ہر طرف لکّھا دکھائی دے
