تبادلۂ خیال:حرف حرف عزت ہو، لفظ لفظ مدحت ہو ۔ شاہین فصیح ربانی

نعتِ رسولِ مقبولؐ

محسنِ عصر، خیرالبشر، مصطفےٰؐ آ گئے

آدمیّت چلی اوج پر، مصطفےٰؐ آ گئے

موسمِ گل ہوا شوخ تر مصطفےٰؐ آ گئے

جگمگا اٹھے شمس و قمر مصطفےٰؐ آ گئے

ظلمتیں منہ چھپانے لگیں اور جانے لگیں

ہورہی ہے جہاں میں سحر، مصطفےٰؐ آ گئے

زندگی شادماں ہو گئی، جاوداں ہو گئی

باعثِ کائنات و دہر مصطفےٰؐ آ گئے

جہل کی تیرگی چھٹ گئی راہ سے ہٹ گئی

علم و حکمت کے چمکے گہر، مصطفےٰؐ آ گئے

اب بھٹکنے کا خدشہ نہیں، کوئی خطرہ نہیں

معتبر ہادی و راہبر مصطفےٰؐ آ گئے

محفلِ نعت ہے اوج پر، لوگ ہیں مفتخر

رحمتوں سے ہوئے بہرہ ور، مصطفےٰؐ آ گئے

شاہین فصیح ربانی