اَلسَّلام اے اُمّہات المومنیں اعلیٰ مقام ! ۔ ذوالفقار علی دانش
منقبت اُمّہاتُ المومنین رضوان اللہ علیھم اجمعین
واجبِ تعظیم و عزت ، لائقِ صد احترام
اَلسَّلام اے اُمّہات المومنیں اعلیٰ مقام !
ہو کرم کی اک نظر اے اُمّہات المومنیں !
میں غلام ابنِ غلام ابنِ غلام ابنِ غلام
سورہِ احزاب میں فرما رہا ہے خود خدا
مومنوں کی ماں ہے ہر اک زوجہِ خیرُ الانام
(ق)
ہوں خدیجہ ، حفصہ ، زینب ، اُمِّ سلمہ ، ماریہ
بنتِ حارث ، عائشہ ، یا زینبِ ذی احترام
سودہ و اُمّؐ حبیبہ ، صفیہ و میمونہ ہوں
اُمّہات المومنیں ہیں سب کی سب عالی مقام
(ق)
بعدِ " تطہیراً " کلامِ پاک میں " وَاذکُرنَ " ہے
یعنی اہلِ بیت میں ازواج ہیں شامل تمام
ہر کسے آمد نہ شُد ایں جا برائے منقبت
مدح خوانِ اُمّہات المومنیں ! تم پر سلام
اُمّہات المومنیں کا خاص مجھ پر ہے کرم
ورنہ ممکن ہی کہاں تھا لکھتا میں ایسا کلام
آں کہ دریائے کرم است ، ایں کہ دانش بے نوا
یک نظر اے اُمّہاتُ المومنیں بر ایں غلام
مزید دیکھیے
پچھلا کلام | فہرست | اگلا کلام | | ذوالفقار علی دانش
